Friday, September 10, 2004

I apuyidu-hu

Bula na emails gi este na simana manmaloffan gi iyo-ku email account put este na ginaddon put i nina'privatize i hanom i islan Guahan. Duru hu hasso pa'go put hafa na sina hu cho'gue, para i Chamorro siha, ta espiha empenu put este. Ti siguru yu' hafa debi di ta cho'gue, lao hu tatangga mohon na guaha otro na taotao, ni' pau chalani i pumalu.

Achokka' estupido didide, este na estoria, ekungok ha'fan. Guaha sumangan-na i primu-hu, yan ni' ayu ha na'chetton este na prublema yan i apuyidu-hu. I apuyidyu-hu mismo Italianu, yan kumekeilke-na gi fino' Chamorro "gimmem hanom." Gi fino' Ingles, kumekeilek-na "drink water." Pues i sinangan-na i primu-hu este, "na'ma'ase Get na ti malalago hao pa'go na sakkan para i efisinan sendaot." I ineppe-hu, "sa' hafa?" Ilek-na "Sa' put todu i prublema siha put i hanom Guahan, maolek este i na'an-mu para un pega gi i tapblerun pulitikat (political signs)." Ilek-hu, "ke sa' hafa?" Ineppe-na, "Sa' Hagu, i gayun hanom! Drink water! I prinemeti-mu, na pon fa'maolek i sisteman hanom giya Guahan!"

Ai na'ma'se, sa' maleffa i primu-hu, na taya' tiningo'-hu put taimanu para ta fa'maolek i sistema, fuera di mungga maprivatize!

No comments:

LinkWithin

Related Posts with Thumbnails