Friday, October 08, 2004

Otro na kantan Mr. Crutch

Another fantastic song from Mr. J.D. Crutch. about a man who is singing of his love for a woman who was once in love with him. Now she is with another and the bells of the chapel are ringing for their marriage, but the singer wishes they were ringing for him instead.

Ai sesso gof fotte i kanta-na Si Mr. Crutch. Ma na'laolao i kerason-hu, sa' nao'ao yan annok i siniente-na gi i besa-na i kakanta.


Madandan I Kampana
By J.D. Crutch

Manhatsa yu sadi’gani gi katsada
Mamahan yu aniyun umasagua
Para bai pega neni gi kalulot-mu
Lao un diroga neni i kontrata-ta

Madandan i kampana gi kapiya
Kalan mohon para hita neni na dos
Maisa yan tristi-u gi asun-hu
Sa’ esta hao guinaiyaku mapos

Madandan i kampana gi kapiya
Ma besti man gatbo na flores
Umitde i pinikkat-mu hulo’ gi attat
Lao guahu gi un banda tumatanges

Madandan i kampana gi kapiya
Kalan mohon para hita neni na dos
Maisa yan tristi-u gi asun-hu
Sa’ esta hao guinaiyaku mapos

Madandan i kampana gi kapiya
Mamokkat hao gi attat yan otro
Manlaolaolao neni i korason-hu
Sa’ i kampana ti ma dandan para guaho

Madandan i kampana gi kapiya
Kalan mohon para hita neni na dos
Maisa yan tristi-u gi ason-hu
Sa’ esta hao guinaiyaku mapos
Madandan i kampana gi kapiya
Kalan mohon para hita neni na dos
Kalan mohon para hita neni na dos

Si Yu'us Ma'ase ta'lo Si Chamoruboy para i fina'tinas-mu. http://www.chamoruboy.com

No comments:

LinkWithin

Related Posts with Thumbnails