Wednesday, February 06, 2008

Bumota Yu'





I fine'nina na biahi na bumota yu', hu bota Si Unda'ut giya Guahan gi 2002.

Hunggan, mismo tihu-hu Si Robert Underwood, lao ti put este ha' na hu bota gui'. Hu hongge gi ayu na tiempo na Guiya i mas maolek na taotao para u ma'gasi Guahan. Pi'ot sa' iyo-na "competition" Si Felix Camacho.

Ai dimilas, sa' ti manggana' i gayu-hu, ya mailihi Si Camacho. Achokka' sen makkat este na botasion 2002 para i korason-hu, komprendeyon este na fina'pos. Nuebu yan fresko Si Felis, ya kulang taya' matungo' put Guiya, fuera di estaba maga'lahi i tata-na. Pues ti mappot para u ma hasso i taotao na "taiisao" gui' yan "harmless" lokkue. Kulang pumarehu gui' yan Si George W. Bush gi este na "harmlessness."

I botasion 2006, ayu ti hu komprende. Ti gof maolek na maga'lahi Si Felis. Ti malate', ti kapas, pues taimanu na i taotao Guahan, pau ma ilihi gui' ta'lo!!??

Sigi ha' hu hongge na sina Si Unda'ut maolekna na maga'lahin Guahan. Pues, sina un sangan na put i minapedde' Si Unda'ut, kulang tinemba yu' nu bumobota. Desde 2002, taya' nai na bumota yu' esta ki nigap. Put i humahanao-hu para Guahan, tatte para Lagu, ti fitme iyo-ku residency, pues ti bumota.

Lao gi este na biahi, hu diside na gof impottante este na botasion guini gi lagu. Ya achokka' unu ha' i bota-ku, kada bota gaibali. Bai hu sangan mas, agupa' pat agupa'na put i nuebu na gayu-hu, lao para pa'go na ha'ani, nahon este na litratu.



















No comments:

LinkWithin

Related Posts with Thumbnails