Monday, November 14, 2005

Let's Chat in Chamorro About Hindi Movies Part 5

Manuet: Hoi Miget, lana dei prim, todu maolek?

Miget: Maolek ha', maolek ha'.

Manuet: Kao sigi ha' sesso umegga' hao kachidon Hindi?

Miget: Ahe' che'lu, pumara yu'.

Manuet: Diaplo umbe! Sa' hafa?

Miget: Sa' lana che'lu, o'sun yu' nu i lina'la' i manriku. I manakhilo'.

Manuet: Hafa kumekeilek-mu?

Miget: Kumekeilek-hu, na esta os'un yu', esta kalang taisabot i kachido siha put ayu na klasin taotao siha.

Manuet: I manriku?

Miget: Hunggan. Umbe lai, kao mansion i gima'-hu? Kao mansion i gima'-mu?

Manuet: Ahe', ahe'.

Miget: Pues nu Guahu ayu na kachido siha ti magahet, it relevant nu i tano'-ta, i tano'-hu nai, sa' hayi luma'la' taiguihi? Hayi luma'la'la' gi un mansion, gi un palace? Ti Guahu, yan taya' i abok-hu. Pues i finaisen-hu, mangge' i kachido siha put i manmoble?

Manuet: Hu komprende i siniente-mu lai. Atan Khabie Kushi Khabie Gham, lana hayi este na taotao Si Amitabh na gof dongkalo taiguihi i gima'-na?

Miget: Lao bula movies taiguenao. Mansuette este siha, so pues nu Guahu ti impottante i pribleman-niha siha. Ma sangan, "oh mayulang iyo-ku Ferrari! Dimalas, hafa bei cho'gue!?" Lana, yanggen mayulang iyo-mu Ferrai, na'setbe ha' i Maserati. Atan, ti mappot. Ti mismo manmasa'sa'pet.

Manuet: Lao guaha ma sangan nai, na siha ti manriku, ya-niha ume'egga' ayu na klasin kachido. Sa' manmakkat i linala'n-niha esta, kaha na ha'ani, pues sa' hafa na pau egga' hafa esta achakin-niha gi i movies? Dipotsi put otro na tano', otro na guinife i movies siha.

Miget: Lana lai, enao na hinasso umassuma na yanggen ti riku hao, ti magof hao. Sa' sumasangan na umachetton todu tiempo minagof yan sinalape'. Ti hu konfotme che'lu.

Manuet: Lana lai, kachido ha'. Mungga ma hasso na dumespatta i tano'. Kachido ha'.

Miget: Ahe' che'lu, kachido siha fumana'gue hit bula put i eriya-ta siha. I hinasso na minagof u fatto gi halom ginaisalape' ha', baba', yan bula eyak este ginnen hafa ma egga' gi i kachido siha.

No comments:

LinkWithin

Related Posts with Thumbnails