Tuesday, November 23, 2004

I Manaiguma' giya Guahan

Kao linemlem hamyo ni' i matulaika-na Guahan? Estaba mangof banidosu hit put i minangge' i kutturan Chamorro giya Guahan, sa' gof geftao, ya pues taya' ni' taiguma'. Lao sigun i PDN, matulaika todu, ya sigi ha' mamta i manaiguma' giya Guahan.

Hayi ta sukne put este? Hita? Sa' ti ta dalalalaki yan o'osge i kistimbren i manaina-ta? Achokka' hunggan matulaika i Chamorro pa'go, sa' manggof geftaotao siha kalang i antes na tiempo, isaon i United States este. Desde ma na'dokko i sisteman gubetnamento yan lina'la' guini, manninahulo'guan todu este na problema siha.

Achokka' dipotsi na manchilong (manequal) todu gi i sisteman US hun, ti magahet ayu. Mas maolek siempre nai i hinasson Chamorro i sisteman hinasso-ta. Lao desde ta aksepta i nina'in i US, manmatulaika hit taiguini, ya pa'go bula mannaiguma' yan manmasa'pet giya Guahan.

Yanggen malago hit ta fa'maolek este, debi di ta na'la'la' ta'lo i minangge' gi i kettura, yan suhayi i binaba yan mineskinu gi i kitturan Amerikanu.

No comments:

LinkWithin

Related Posts with Thumbnails