Let's Chat in Chamorro about Hindi movies (chinagi dos!)

Miget: Hafa ga'chong, kao mamaolek ha' todu?

Nicole: Ahe', ahe'.

Miget: Hey, diablo lai, sa' hafa guaha baba giya Hagu?

Nicole: Manegga' yu' mubi gi painge' yan ti ya-hu gui'!

Miget: Sa' hafa? Hafa na'an-na este?

Nicole: Na'an-na Hum Tum.

Miget: Hafa kumekeilek-na enao gi fino' Chamorro?

Nicole: Kumekeilek-na "Guahu, Hagu."

Miget: Oh! Guaha hiningok-hu put ayu! Dipotsi mangge i kanta-na siha no?

Nicole: Guaha, lao dipotsi lokkue este "mubin feminist." Lao ti mismo.

Miget: Hafa kumekeilek-mu?

Nicole: Dipotsi nai este put i lalalahi yan i famalao'an yan na debi di u achaigua i "sexes." Ya mana'annok este gi i estorian Si Karan yan Si Rhea. Gi i tinituhun i mibi, gof baba na taotao Si Karan. Gagu, luhuriosu, pikaru, ya todu i tiempo, hinassosso gui' put manchika. Ma fa'na'an Si Rhea, "modern" na palao'an, pues gof ti ya-na Si Karan, yan sesso ha lalatde gui' sa' taya' respetu-na nu i famalao'an. Ha hasso ha' put i chugo' beben, ya eyu ha'!

Miget: Kalang na'chalek na kachido no?

Nicole: Hunggan, lao grabu lokkue.

Miget: Grabu? Taimanu?

To be continued....

Comments

Popular posts from this blog

Chamorro Public Service Post #15: Pues Adios, Esta Ki

Guam: The Movie

Tuleti