Let's Chat in Chamorro about Hindi Movies

In the spirit of coalition building and opening up new forums and types of dialogue, I dedicate the following to building an important bridge between Hindi movies and the Chamorro language...

Jofis: Lana Miget, gi painge' hu egga' Swades, ya gof ya-hu!

Miget: Guana? Pine'lo-ku na esta ma na'ma'pos ayu. Magof-hu na ya-mu, lao nu Guahu, ti ya-hu.

Jofis: Ki sa' hafa umbree na ti ya-mu? Ti ya-mu ni' kanta-na siha?

Miget: Well, guaha na ya-hu, ya guaha na ti ya-hu lokkue. Lao ti put enao na guaha chinatli'e-hu nu Guiya.

Jofis: Pues sa' hafa?

Miget: Ai atan i hinasso-na Si Mohan, i petsona-na Si Shah Rukh Khan. Taimamahlao ayu! Hunggan, dinanche gui' lokkue, lao gos tairespetu, sa' hinasso-na na i tinakhilo' ha' i kesteumbren Amerikanu.

Jofis: Hu hasso, hu hasso. Nai mandana gi i miteng despues di ma subi i nuebu na famagu'on. Ma fatta i Indians siha na maolekna siha kinu i Amerikanu siha put i ketturan-niha! Ya Si Shah Rukh ha lalatde siha, ilek-na na komo un sigi ha' fatta put este, ti un ripara i bila na problema giya Hamyo, ya i kettura ti ha hulat muna'homlo'!

Miget: Hunggan.

Jofis: Dinanche' Si Shah Rukh, hafa i problema-mu?

Miget: Gof impottante i kettura lokkue, ya dinanche i taotao i sengsong na guaha giya Siha ni' maolekna kinu i Amerikanu siha. Kao guaha un egga' i kachido, "Biko?"

Jofis: Ahe'.

Miget: Gi ayu, guaha scene nai umakuentusi un haole yan un taotao South Africa. Ilek-na i South African nu i haole, un chule' magi bula na kosas inadelanto, annok na masgaiprogress hamyo kinu Guiya, pi'ot gi fanience'an. Lao guaha lokkue gi un banda, ni' ti un danche. Put hemplo, ilek-na este na taotao, i familia.

Jofis: Pues?

Miget: Ti bai hu sangan na perfekto i taotao Indian, ya parehua ha' nu i Chamorro. Lao an un atan hafa ilekilek-na i kettura-ta put i familia, put taimanu debi di ta trata i taotao (fa'taotao, ti fa'trastes), mas gaibali i ketturan Chamorro ya sina lokkue i ketturan Indian kinu i Amerikanu.

Jofis: Okay, okay, dinanche hao nu este, lao put enao ha' ti ya-mu i mibi?

Miget: Ahe' umbre, ilek-hu na ya-hu yan ti ya-hu lokkue. Kalang todu gi lina'la' eh?

Comments

Popular posts from this blog

Chamorro Public Service Post #15: Pues Adios, Esta Ki

Guam: The Movie

Tuleti