Ti Apmam ChaNoWriMo

Just a few more days until ChaNoWriMo.

Kao listo hao esta? Ti bei puni na gof ti listo yu'.

Mamange' yu' kada diha, lao ti hu hassussuy i estoria-hu para ChaNoWriMo.

Esta tres anos maloffan di hu tutuge' este na estoria, put i Lihenden i Chamurai.

Gof malago' yu' na bei hu na'funhayan este na estoria, lao chachago' ha' i hinichum este na chalan.

Kada sakkan ani mata'ta'chong yu' para bai hu tuge' este, hu tulailaika gui' gi este na banda, hu na'ladadangkolo gui' gi este na banda.

Gi humuyongna esta mas ki 150,000 na palabras i tinige'-hu.

 Gi un lepblo, diposti na i titige' i ma'gas.

Guiya fuma'tinas i petsona siha, guiya gumiha i estoria ni' minalago'-na yan matuge'.

Gi este na manera, un titige' kulang un Yu'us.

I lepblo i mundo-na.

Guiya muna'fanhuyong este na tano' yan todu i manasaga' guihi.

Lao para Guahu, ti taiguihi i siniente-ku put tumutuge'.

Gi este na estoria, Guahu tumutuge', lao ti Guahu dumisiside hafa masusesedi.

Fihu hu siesiente na i petsona siha manma'gas yan ginigiha i kalulot-hu siha as siha.

Siha la'mon.

Siha sumangangani yu' hafa bei tuge' manu na para u fanhanao.



Comments

Popular posts from this blog

Chamorro Public Service Post #15: Pues Adios, Esta Ki

Guam: The Movie

Tuleti