Wednesday, April 12, 2006

Gravity

Este un nuebu na kanta-hu, Hu tuge' este para un bunita na palao'an nigap. Un bunita na kanta, para un bunita na palao'an. Hu ayao i "tune" yan noskuantos na palabras ginnen i kanta "Gravity" ginnen i anime Wolf's Rain.

Yanggen sina hao, kanta agang este na palabras yan i orihinat na dandan, gof bunita. Ti hu chagi pumula (trumanslada) i palabra "gravity" sa' gof ya-hu i "sound"-na, achokka' puru ha' Chamoru gi eriya-na. Pi'ot i utimo na "lines" siha. Guaha humahalla (something is pulling me), Kao este i gravity (is this the gravity?) Guinaiya (of love).

Hu diseseha na i palao'an ni' hu tugiyi este, ya-na. Un bunita na palao'an, un bunita na kanta.

"Gravity"

Annakko' i chalan-ta
desde nai humita
kao i chiku-mu ayu'us tai'agupa'?
I etten labios-mu guiniefe-hu
Lao ngai'an mohon mumagahet este?

Sina gi i mamailan na pilan
Ti matto i ichan
ya i inina muna'unu hit ta'lo
Gi i trongkon i puenge sigi hu faisen

Mangge' hao pa'go?
Kao machalani hao
Yanggen hu kantayi i lamlamlam na pilan?

Guinaiya sin gravity
Taibali


Kao maisa yu'
Pat kao un nanangga gi me'na kada pokkat-hu
Este sumangagani yu'
Usuni


Guaha humahalla'
Kao este i gravity
guinaiya?

No comments:

LinkWithin

Related Posts with Thumbnails