Monday, October 17, 2005

Let's Chat in Chamorro about Hindi Movies Part 4

Miget: Hoi primu, hafa tatamanu hao?

Jofis: Maolek todu che'lu. Ya hagu? Maolek todu lokkue?

Miget: Hunggan che'lu. Matto yu' ginnen umegga' i kachido Salaam Namaste. Kao gauha un egga'?

Jofis: Hunggan lai, esta, gi i ma'pos na simana. Humami yan i nobia-hu.

Miget: Ya kao ya-mu?

Jofis: Hmmm, bei fa'anboku'i hao, ti siguru yu'.

Miget: Sa' hafa?

Jofis: Sa' ti sesso taiguihi nai i kachidon Hindi.

Miget: Hafa kumekeilek-mu?

Jofis: Umbre, esta un tungo' debi di. Lana. Hunggan mana'halom i binaila yan i kinanta, lao follow i estoria nai. Desde naihon na ma fa'estoria este na klasin estoria?

Miget: Kumekuentos hao put i minapotge' sanhiyong inakkamo' yan nai ma na'hongge hit na Preity pau pokka' i patgon-na.

Jofis: Enague lai. Gof grabu este na kachido achokka' gaige lokkue i binaila yan i kinanta.

Miget: Lana, hu komprende todu este siha, lao ti hu kompreprende sa' hafa un laisen i finaisen-hu. Kao ya-mu i kachido?

Jofis: Hekkua' lai. Este na klasin kachido fihu ma yalaka todu i siniente giya Guahu. Pues ti hu tungo' hafa hu siesiente.

Miget: Lao, yanggen ti ma na'halom i patte siha put minapotge yan pinekka', ya-mu siempre?

Jofis: Ahe' lai, ti simple taiguenao. Hafa mismo mas ya-hu gi este na kachido, enao na problema siha.

Miget: Lana dei.

Jofis: Subres lai ekungok. Mas tengga gi i kachidon Hindi, ma fa'nu'i hit hafa maloffan ginnen nai umasodda' i amantes asta ma asagua i dos. Lao gi este na kachido, ti ma fa'nu'i hit i kasamiento. Instead ma fa'nu'i hit i triniste yan i minappot gi inakkamo' (kalang i otro na mubi Saathya), yan ma focus gi guinaiya sin inakkamo' (achokka' gi i finakpo' ma konfotme na u ma asagua.)

Miget: Hmm, pa'go hu komprende sa' hafa ti un oppe i finasien-hu. Achokka' hu egga' gui' lokkue, ti siguru yu' pa'go hafa hinassosso-ku. Ai adai, si yu'us ma'ase para taya'.

Jofis: Taya' guaha. Ha!

No comments:

LinkWithin

Related Posts with Thumbnails