Friday, December 31, 2004

I Hinemhom

Gi i mas homhom na patten i puengi
I nana-ta yan I tata-ta siha, manmapuno'
Man ma amot hit
Sina un hungok i mililak i hagan-niha
Gi guinaifin i manglo'
Sina ta hungok i chalek-niha
Gi i pineddong i ichan
I mengmong i korason-niha
Poddong taiguihi i estreyas ginnen i langhet
I puengi yan i halom tano', sagan-niha pa'go
Guihi gi i hale yan i hagon siha ni' muna'chochocho i anti-ta
Ni' ma o'oppe I finaisen-ta siha put i tano'
Kueston-ta put hayi hit? yan Ginnen manu hit magi?
Si nana-ta yan tata-ta na gaige siha gi respuesta
Siha umaladu i edda', ma tanom i trengko siha, mameska i tasi
Siha muna'i hit ni' i haga' ni' malalgo kulang saddok siha gi halom i tahtaotao-ta siha
Ginnen i mas homhom na patten i puenge yan i tano'
Manonoghe siha, kesnuda yan manmana'atan gi entre i trengko siha
Huyong giya Hita
Manmannangga.
Manmanhahasso.
Sina un li'e i langun-niha gi i kinalamten i tasi
I kinekuyong i tasi

No comments:

LinkWithin

Related Posts with Thumbnails