Monday, February 04, 2013

Adios Tony

Matai Si Tony Palomo.

Hiningok-hu na malangu gui'.

I uttimo na umali'e' ham', esta annok na litiko gui'. Lao achokka' hu tungo' na esta malalangu gui', gof ma'lak i chinalek-na sinembatgo.

Annai estaba estudiante yu' gi UOG para eskuelan grad, sesso hu interview Si Tony put i Estorian Guahan.

Meggaigaigai na estoria-na siha. Ya achokka' esta bihu gui', annai umestotoria gui' matan hoben gui'. Lamlam i atadok-na kalang i atadok patgon.

 Gi i timepon antes ma fa'na'an ayu na klasin taotao "embelikeru." Hunggan guaha baba gi este na palabra, lao guaha otro kumekeilekna lokkue'. Para i famagu'on ni' ya-niha umekungok i estorian i manamko', yan meggai finaisen-na put este yan este gi estoria, ayu ma fa'na'an "embelikeru." Ti umentalo' gui' put baba, umentalo' put i minalago'-na para mas tiningo' yan mas estoria.

Un biahi i che'lu-hu ha faisen yu', "Kao Hagu i mas gaitiningo' put i estorian i isla-ta?"

Siempre ahe', ti sina Guahu.

Pues ha faisen yu', hayi i mas malate' put este na asunto?

Manhasso yu' na'ya' put este, pues ilek, "Meggai tiningo'-hu put iya Guahan, lao ti Guahu i mas takhilo'. Guaha singko otro na taotao mas gaitiningo' kinu Guahu."

"Yan hayi i mas takhilo'?"

"Siempre Si Tony Palomo."

Adios Sinot. Esta mahalang yu' para i chinalek-mu yan i meggai estoria-mu siha.


No comments:

LinkWithin

Related Posts with Thumbnails