Thursday, September 20, 2012

Death From Taxes

Sesso ti sina hu komprende Si Mitt Romney.

Anai hu atan gui', ti taisensia gui', ti taitiningo' gui'. Bunito gui' yan buente malate' gui' lokkue'.

Lao, sa' hafa fihu manlachi gui' taiguihi udu gui'?

Manaitai yu' meggai pa'go yan nigap put i sinangan-na siha gi me'nan i manriku ni' sumoppoppote gui'. Gof baba i sinangan-na, gi fino' Ingles ma sangan na este na klasin kuentos "divisive." Gi i sinangan-na ha fa'sahnge lamita na taotao gi i nasion, ya ilek-na na ayu siha taibali nu Guahu. Ti para siha na bei gubetno.

Ayu muna'klaru i hinasson i Manrepublicans gi este na botasion yan gi este na sakkan. Fihu ma fa'attende i manakpappa' yan i manggaige gi tinalo' na klas. Lao gi este na botasion kalang ma yuyute' ayu siha.

Anai estaba Si Romney i gubetno giya Massachusetts mas maolek na gayu gui'. Achokka' Republican gui', ti mampos "conservative" gui'. Gumubetno gui' para todu i taotao siha gi i state-na. Ti para unu na banda ha'. Put ayu na guaha nai biahi mangcompromise gui'.

Lao tagiue ayu na Romney gi este na botasion. Este na Romney ni' malalagu pa'go, kalang ti magahet gui'. Matulailaika todu tiempo i hinasso-na siha. Taya' fitme gi hinengge-na siha. Para Guahu esta ha puno' maisa gui', yan gi i matulaika-na ha kekehafot hayi estaba gui'. Ga'o'-na na manmaleffa todu ni ayu.

Guaha na biahi annai hu taitai i news gi gaseta pat internet, ti hu hohongge i bidada-na Si Romney. Put hemplo, sa' hafa ha kekena'atok ha' i kontrabusion-na? Maolekna un sotta ha'! Na'annok ha'! Un na'a'atdet este mas gi i nina'atok-mu!

Este na video ginnen i patidan Obama put i asunton kontrabusion.


No comments:

LinkWithin

Related Posts with Thumbnails