Romney Economics

Ti meggai i ekspirensia-na siha Si Mitt Romney gi gubetnamento.

Guaha na biahi na mas maolek este sa' i manenimigu-mu siha, ti sina ma hatme hao put i meggai na tinaya'-mu!

Lao, ti ilek-hu na taya' ekspirensia-na, ilek-hu ti meggai.

Desde 2002 asta 2006 Si Mitt Romney ha fa'cho'chu'i i taotao Massachusetts komo maga'lahin-niha (gubetno).

I mas dangkolu-na Si Mitt Romney na este na bida-na, ti gof maolek. Ti atanon este, ti gof bunito. Meggai inefresi-na siha lao guahlo' gui'. Ilek-na na Guiya para u atbansa iya Massachussetts, lao gi durante i tiempo-na gumof tunok i tano'-na put cho'cho', ekonomiha, salape' yan kobransa.

An malalagu hao para un takhilo' na ofisinan pulitikat taiguihi i Apa'ka na Guma' (lol), debi di fattayon i che'cho'-mu pulitikat. Lao para Si Romne ti meggai yan para i Republicans ti umaya yan i sisteman hinegge.

Massachusetts un sen "asut" na tano' gi i US. I bida-na Si Romney guihi gof asut lokkue', ko'lo'lo'na gi i banda sosiat (put inadahin salut yan pinekka'). An malalagu Si Romney gi i Democratic na banda, buente maolek ha' este, lao gi i bandan i mangga'chong-na, ahe'.

Esta i inetnon Obama ma dodommo' Si Romney put i fina'tinas-na giya Massachussetts. Ma fa'tinas este na website: Romney Economics. Espiha guatu an malago' hao tumungo' mas put Si Mitt.


Comments

Popular posts from this blog

Chamorro Public Service Post #15: Pues Adios, Esta Ki

Guam: The Movie

Tuleti