Akli'e' in the Sand

Gof ya-na i lahi-hu Si Akli'e' ni' kanton tasi.

Estaba ya-na umatan i kanton tasi, ya-na matto gi i kanton tasi, ya-na tumancho i kanton tasi, lao ti ya-na mamokkat gi i kanton tasi. Estaba taiguihi lokkue' i che'lu-na Si Sumahi. Achokka' gof ya-na matto gi i kanton tasi, ya-na mahoggue ha'. Ya-na kumuentos put i inai, lao sen mungga gui' pinacha'.

Nigap annai hu konne' i dos famagu'on-hu para i kanton tasi Ypao sen na'chalek. I hagga'-hu esta payon gui' nu i inai gi i tasi. Pues gigon ha ripara i tasin unai gi i kanton tasi, malalalgu gui' ensigidas, ya ti apmam mamatiti'nas gui' kasityun unai.

Lao i lahi-hu, ahe'. Ha essalaogue i inai. Ha chatge i inai lokkue'. Lao annai hu kena'tohge gui' ilek, "Mungga!!!!!" "Nooooooo!"

Pues mata'chong yu', ya hu na'fata'chong i lahi-hu gi i tiyan-hu. Ya kalang un batko gi hilo' i tasi, ma'u'dai gui' giya Guahu, ya ha atalaki i taihinekkok na tasin unai gi pappa'-na.

Manespiha yu' empenu put i mungga-na Si Akli'e'. Hu lassas i addeng-na ni' i inai. Ya fine'nina ti ya-na, ya ha safe' insigidas. Lao ti apmam, pumayon gui', ya ha chule' i inai gi kannai-na, ya ha tutuhon mamumuhot gui'.

Annai hu sangani siha na makpo' ya debi di bei in fanhanao. Este kinenne' i lahi-hu ni' i inai. Mungga gui' humanao.

Magof ayu na ha'ani. Para i famagu'on-hu, yan para Guahu lokkue'.

Comments

Popular posts from this blog

Chamorro Public Service Post #15: Pues Adios, Esta Ki

Guam: The Movie

Tuleti