Puti Tai Nobiu

Ti Guahu tumge' este na kanta. Lao sa' gof bunita malago yu' bei share hamyo i binita-na. Si Flora Baza Quan kumanta, ya fine'nina nai hu hungok este, gof malago yu' tumungo' hafa ilelek-na. Gi ayu biahi ti hu gof tungo' kumomprende fino' Chamoru, pues achokka' gof ya-hu, ti hu gof gagacha' hafa masasangan.

Pues hu gagao i tiha-hu si Victoria Ritter, yanggan sina humami umekungok ya pues pau pula'yi yu' i palabras. Pues manmata'chong ham gi fi'on i stereo, ya ha pega i talangga-na gof hihot gi i speaker. Pues hu na'play i kanta para un betsu, pues hu na'para. Si tiha-hu, humassonaihon, pues ha sangani yu' hafa pine'lo-na na maalok.

Estague i palabras ni' in tige' pappa':

Puti Tai Nobiu

Ha tuge’ I tutuhun I tano’
Gi hatdin I paraisu
Si Yu’us ha na’fanhuyong
Flores siha ni’ mambunitu
Si Yu’us ha na’fanhuyong
Meggai siha na milagro
Ha na’dokko’ giya paraisu
Un flores trongkon hayu

Puti tai nobiu, ai puti tainobiu
Milagron Si Yu’us Bunitan-mu
Puti tai nobiu ai put tainobiu
Mampos I pinalacha-mu

Flores hao gi halom flores
Tumachu hao gi kastiyu
Buente hao kalang I ninu
Lao I na’an-mu gos piligro
I na’an-mu ma adahi
Sa’ sahnge hao gi batkada
Puti tai nobiu na flores
Ai parehu estoria-ta

Puti tai nobiu, ai puti tainobiu
Milagron Si Yu’us Bunitan-mu
Puti tai nobiu ai put tainobiu
Mampos I pinalacha-mu

Flores hao gi halom flores
Maolekna ti hu mafanagu
Sa’ chatpa’go yu’ mohon
Ti hu padedesi este pa’go
Embediosa yu’ nu Hagu
Put tai nobiu na flores
Sa’ yanggen hu konsedera
I bida-hu ha’ tumanges
I bida-hu ha’ tumanges

Puti tai nobiu, ai puti tainobiu
Milagron Si Yu’us Bunitan-mu
Puti tai nobiu ai put tainobiu
Mampos I pinalacha-mu

Manlaolaolao I kersaon-hu
Ai yanggen hu konsedera
Este taya’ nai nobiu-hu
Maolekna mohon ti hu sottera
Puti tai nobiu na flores
Lastima I bunita-hu
Sa’ taya’ yu’ na ma espiha
Buente put I delikao-hu

Puti tai nobiu, ai puti tainobiu
Milagron Si Yu’us Bunitan-mu
Puti tai nobiu ai put tainobiu
Mampos I pinalacha-mu

Dichosa hao na trongkon flores
Ma guaiya hao kalang kirida
Sa’ tituka yan malamana
Hafa na sigi ha’ hao ma espiha
Bai hu dispidi hao trongko flores
Hu respeta I na’an-mu
Lao mungga yu’ madalalaki
Sa’ sumen maolek saga-mu

Puti tai nobiu, ai puti tainobiu
Milagron Si Yu’us Bunitan-mu
Puti tai nobiu ai put tainobiu
Mampos I pinalacha-mu

Comments

Post a Comment

Popular posts from this blog

Chamoru Love Sayings

Image
A student from my Zoom Chamoru classes recently asked me for some suggestions for some Chamoru sayings or words of wisdom that she could use for a speech she had to give for a friend's wedding.  I get this type of request pretty frequently and so over the years I have a number of lists of ways to say "I Love You" in Chamoru. For years that was one of the my most visited pages on this blog, a simple page that had more than a dozen different ways to say "Hu Guaiya Hao" ranging from the poetic and deep, to the silly and sexy.  When I looked at many of those lists, I realized that the majority of the ways love was expressed, was indeed written in Chamoru, but not necessarily rooted in Chamoru. What I mean by this, is that alot of the sayings were simply translated from English or variants of ways that love would be expressed in English.  For me, I am definitely in support of these sorts of things, I love having our language adapt and take on new forms, especially wh
Read more

Chamorro Public Service Post #15: Pues Adios, Esta Ki

A lot of people end up visiting this blog because they are searching around the internet for lyrics to Chamorro songs. Over the years I’ve pasted a couple here and there, but haven’t really kept up with it as much as I should. I complain all the time about there not being enough internet presence for the Chamorro language and for Chamorro thoughts and so I feel bad when I inadvertently contribute to that absence. På’go, gaige yu’ gi i gima’ iyo-ku grandfather. Desde i ma’pos’ña na mes, kumakatre gui’. Kana’ hineart attack gui’, ya sumaga’ gui’ gi i espitåt para tres meses. Mana’huyong gi i ma’pos na mes, ya sumåsaga’ gui’ gi i gima’, lao ti ha hulat tumohgue sin ayuda. Kada na puengge måtto yu’ gi i gima’-ña para i tetno-hu pumulan gui’. Gi este na tiempo, tåya’ internet, pues siña hu usa este para bai hu fanhasso. Manhasso yu’ put i lina’la’-hu pat i guinife-hu. Buente i chinathinasso-ku siha lokkue’. Tonight, I was trying to figure out what would be the best song to share the lyrics
Read more

Tuleti

Image
I was racking my brain recently to determine what was the first ever Chamorro song that was featured in a motion picture. Noon Sunday was the first every motion picture to be filmed primarily on Guam, prior to that some minor filming had been done on Guam for World War II and Godzilla films but nothing substantial. Noon Sunday was not set in Guam, but it was the first film to feature extensively the island of Guam. Guam was the locale for a fictional Pacific island that was being taken over by a menacing Asian power. Almost all the speaking roles went to people from off-island (from the US or the Philippines), and Chamorros ended up playing most of the "extra" roles. As a result the film didn't feature any Chamorro music. You do find documentaries and television programs, all locally produced that feature Chamorro songs of at least Chamorros singing songs. Guam's History Through Songs, made by the late Carmen Santos is a perfect example of this. For those of you u
Read more