Nuebu na Betsu-hu Siha

Guaha meggai na tinilaika gi på'go na såkkan. Meggai nuebu na siniente-ku ya guaha na biahi kulang machuchuda' enao siha gi sanhalom-hu. Fihu anggen taiguenao yu', ya-hu sumotta sina gi tinge'-hu, kolo'lo'ña betsu pat po'ema siha. 

Todu i tinige'-hu guini put guinaiya. Sa' ma'pos un eståba na guinaiya yan manaliligao yu' nuebu. 

Estague i betsu-hu sina, ni' hu tuge' gi halacha na tiempo. 

******************

Mungga masukne yu' Nåna
na ti hu na'funhåyan i tarehå-hu
Sukne si Yu'os
Sa' guiya muna'fanhuyong
Ayu na palao'an

*******************

Tumutunok i pilan
Lao olahan moon
Na mana'påra i tininok-ña
Ya ti hu fåkpo'
Este linangitan na råtu
Nai hågu gi tinektok-hu

********************

I mangga
gi hilo'-mu
gi trongko
achamames
yan i labios-mu

I puti'on siha
gi langhet
gi hilo'-mu
manachagefpågo
yan i matå-mu

I pilan
gi hilo'-mu
gof takhilo'
achafinu
yan i fasu-mu

Maila mågi nuebu na guinaiyå-ku
Gi hilo' un tåsi bula put-on
Hague' yu' ni simian i langhet
Ya ta tånom gi entre i addeng-ta

****************

I labios-mu pumugi i korason-hu
I chinalek-mu muna'mongmong gui' ta'lo


Comments

Popular posts from this blog

Chamorro Public Service Post #15: Pues Adios, Esta Ki

Tuleti

Guam: The Movie