Unu na Manga Tetehnan

Estaba guaha tres na manga ni' hu gof tataitai yan hu tattitiyi kada simana pat kada mes. I fine'nina "Naruto." I mina'dos "Gantz." Yan i uttimo "Berserk." Gi entre este na tres i fine'nina ma tutuhun "Berserk." I yiyinga' tumutuhun ayu gi 1990. Para Naruto matutuhun gi 1999 yan 2000 para Gantz. Lao pa'go Naruto yan Gantz esta munhayan. Makpo' Naruto gi issuen 700 (lao ma fa'tinas ensigidas un nuebu na series) yan makpo' Gantz gi issuen 383 (taya' nuebu na series para este, lao olaha mohon na guaha). Achokka' "Berserk" i mas amko', guiya i mas nateng lokkue'. Gi 25 na sakkan, matto gui' gi issuen 342 ha'. Ya guaha na biahi i yiyingga' ha fa'tinas unu na pat dos na issues gi unu na sakkan.

Lao magof yu', sa' gi Fanuchan'an, put fin, ma na'huhuyong regulamente "Berserk" ta'lo. Hu diseseha na sina ma konsigi mo'na taiguini, sa' sen ya-hu i estoria yan i petsona siha. Hu tuge' put hafa gof ya-hu gi este na post "Two Ways to Kill a God" gi 2009.

Estague un pahina gien un halacha na issuen Berserk:


Comments

Popular posts from this blog

Chamorro Public Service Post #15: Pues Adios, Esta Ki

Guam: The Movie

Tuleti