Sunday, September 11, 2011

Humerrero

Kada damenggo-hu, mismo iyon grandpa.

Fihu i manatungo'-hu siha ma faisen yu', "sa' hafa kalang todu tiempo tailugat hao gi damenggo?"

Ayu na fine'nina na tinige'-hu, sesso este i ineppe-ku.

Esta tres anos desde iyo-ku grandfather Si Tun Jack Lujan ha tutuhun fumana'na'gue yu' taimanu humerrero.

Lao put i meggai che'cho'-hu yan obligasion-hu, ti sina hu fa'sahnge meggai na tiempo para este.

Pues kada damenggo hu fa'sahnge para Si grandpa.

Yanggen hu cho'cho'gue este kada diha, siempre esta kapas yu' mama'tinas ramenta yan esta kabales na herrero yu'. Lao put i ti nahong na tiempo-ku, ti kababales ha' i ineyak-hu.

Achokka' ti bai hu sangan na maolek yu', ti gos taisetbe yu' lokkue'.

Esta hu ayuda Si grandpa fuma'tinas meggai na diferentes na klasin ramenta. Guaha siete na ramenta ni' gof impottante para i kutturan Chamoru antes, ya esta sina hu ayuda gui' fuma'tinas kada unu.

Lao anggen Guahu ha' na maisa, guaha kuatro ha' na ramenta ni' hu hulat muna'funhayan na maisa: I hehgao, i si'i, i kamyo yan i seh'soh.

Ti hu tungo' hafa para bai hu na'funhayam agupa'.

No comments:

LinkWithin

Related Posts with Thumbnails