Monday, May 16, 2011

Sanlagu

Pa'go na ha'ani, Hami yan Si Sumahi (i hagga-hu) para bei in falak iya Kalifotna.

Para bai hu famanu'i gi un konfrensia giya Sacramento gi este na simana.

Ya Si Sumahi para u bisita Si Nana-hu yan otro na membron i familia-ta.

Esta kana dos anos desde sumaga' yu' gi lagu, ya gof malago yu' bumisita i manatungo'-hu siha ginnen i Dippatamenton Ph.D.

Esta hu faisen Si Sumahi, hafa malago-na na para bei in che'gue annai gaige ham gi sanlagu. Hu ofresi gui' ni' tres na inayek: The Monterey Bay Aquarium, the San Diego Zoo, Disneyland. Achokka' hu sangan i na'an-niha este na tres, ti ha gof tungo' hafa siha ginnen i na'an ha'. Pues, hu sangani gui' ni' didide' put kada inayek. Para i aquarium hu sangani gui' na "ayu nai manasaga' i guihan yan otro na klasin ga'ga' tasi siha." Para i zoo, hu sangani gui' na este i "fangga'ga'an para i manasaga gi i tano' na klasin ga'ga' siha." Para Disneyland hu sangani gui' na ayu i "tano' i gof matungo' na cha'ka as Mickey yan manasaga' guihi i mamprinsesa siha."

Put este ha ganye Disneyland.

1 comment:

Alexchris123 said...

Your blog is great你的部落格真好!!
If you like, come back and visit mine: http://alexchris111.pixnet.net/blog


Thank you!!Wang Han Pin(王翰彬)
From Taichung,Taiwan(台灣)

LinkWithin

Related Posts with Thumbnails