Sunday, September 27, 2009

Kumakanta Gi Koreanu

Fihu gof hosguan yu’ nu Si Stephen Colbert.

Guahan iyo-ña programman telebishon, ya kontat ki na’chalek i fina’tinas-ña, Guiya la’mon hafa pau na’fanhuyong. Maseha hafa na gof "silly" na hinasso, siña ma na'magåhet gi i show. Gof suette este na klasin taotao, sa' este na inebra i guinife todu.

Desde ha tutuhun i show-ña, meggai na’chalek na bidå-ña. Gi i ma’pos na sakkan, ha kesaonao i botashon Amerikånu pare Presidente. Matakpånge un patten i Space Station para Guiya. Ya gaige un to’lai giya Hungary, ya dipotsi matakpange para Guiya lokkue’.

I mas na’chalek na patten i show-ña, annai mama’mumumu Si Colbert yan un otro sesso “random” na taotao. Mama’mumu Si Colbert yan Si Sean Penn, Si Barry Manilow, Si Kongresa Eleanor Holmes-Norton (ginnen Washington D.C.) yan Si Willy Nelson. Gi este na ti mismo na yinaoyao, Si Colbert ha chanda i otro taotao, ha fa’enimigu gui’, ya sångan meggai båba put Guiya gi i show-ña. Ya pues ma kombida ayu na ti magåhet na kontrariu halom gi i show, para u mumu gi me’nan todu.

Lao para Guahu, i mas na’chalek na ti magåhet na minimu ginnen Si Colbert, annai mama’yaoyaoyao gui’ yan Si Rain. Yanggen tåya’ tiningo’-mu put Si Rain, kakanta gui’ ginnen South Korea. I mas matungo’ na kanta gi hiyong Korea, “Ways to Avoid the Sun.” Umaacha’igi Si Colbert yan Si Rain gi i online poll para i Time Magazine mas matungo’ yan mas gaiinfluence na taotao siha. Gi 2007 manggana’ Si Rain, ya put ayu, muna’lalålu Si Colbert, ya guaha nai na ha kase’ yan chanda Si Rain gi i show-ña. Mama’tinas Si Colbert un “Korean Pop Video” i na’ån-ña “Singing in Korean.” Gi este na video ha sakke’ yan ha adda’ i dandan-ña yan didide’ na bailå-ña ginnen i video “Ways to Avoid the Sun.” Annai Si Rain ha li’e’ este na video, manoppe’ gui’ gi as Colbert “mungga maquit i che’cho’-mu gi ha’åni.”



Makpo’ este na chatyinaoyao, annai umakompete i dos gi un “dance off.” Manggana Si Rain, lao sen mampos na’chalek i bailan Colbert.

Hu egga’ este na mubi siha (ni’ hu pega sanpappa’), kada na mannisisita yu’ chinalek.


The Colbert ReportMon - Thurs 11:30pm / 10:30c
He's Singing in Korean
http://www.colbertnation.com/
Colbert Report Full EpisodesPolitical HumorHealth Care Protests


The Colbert ReportMon - Thurs 11:30pm / 10:30c
Yahoo Korea - Rain
http://www.colbertnation.com/
Colbert Report Full EpisodesPolitical HumorHealth Care Protests



The Colbert ReportMon - Thurs 11:30pm / 10:30c
Tip/Wag - Rain
http://www.colbertnation.com/
Colbert Report Full EpisodesPolitical HumorHealth Care Protests


The Colbert ReportMon - Thurs 11:30pm / 10:30c
Rain Rivalry Challenge
http://www.colbertnation.com/
Colbert Report Full EpisodesPolitical HumorHealth Care Protests


The Colbert ReportMon - Thurs 11:30pm / 10:30c
Rain Dance-Off
http://www.colbertnation.com/
Colbert Report Full EpisodesPolitical HumorHealth Care Protests

No comments:

LinkWithin

Related Posts with Thumbnails