Wednesday, June 25, 2008

In Memory of Wing Commander Basil Morningwood

Kada na puenge, desde Monday asta Thursday, ya-hu umegga' The Daily Show.

Annai manstrike i Inetnon Titige' gi i ma'pos na sakkan, ai adai, sumen triste yu', sa' todu i shows, manmata'pang (Todudu fuera di The Late Show with David Letterman sa' manmama'kontrata para i titige'-na siha). Ya desde ayu na yinaoyao, dumidide' dumidide' manlamaolek i shows. Lao The Daily Show i mas ya-hu, sa' mampos na'chalek lao guaha impottante na ma i'ina put i estao pulitikat Amerikanu.

Guaha nai hu e'egga' gui', ya chumalek yu' a'gang, pinilakes! Yanggen manochocho mientres hu e'egga' siempre mabohbo i na-hu.

Antes di manstrike i titige', ma fa'nuebu i website The Daily Show, ya ma rikohi guihi todu i episodes ginen todu i sakkan ni' mambinalakuyi as Jon Stewart. Lao i dinimalas, na desde ma na'huyong este na website, ma laknos todu i videon Daily Show ginnen Youtube.

Pues humalom yu' gi este nuebu na site pa'go, ya hu aligao i mas ya-hu na clip. Ya suette suette yu', sa' hu sodda' gui', ya bai hu siniyi hao ni' Guiya gi este na post.

Ai Yu'us, gi este na video, ma sangani hit ni' i na'an-niha i manmapuno' na sindalun British gi duranten i Mina'dos na Geran Mundo. Lao, ti este na na'an i manmagahet na na'an-niha. Ma fa'tinas este na "chatna'an" ginnen diferentes na palabras na'chalek, kinichi yan kinemmon. Oh ai adai, kada nai hu hasso este, esta kumekechalek yu'.

No comments:

LinkWithin

Related Posts with Thumbnails