Saturday, January 13, 2007

Guinaiya Gi I Chi-Na I Tano'

Humahanao yu' tatte para San Diego pa'go, lao fine'nina bai sugo' giya Hawai'i ya bei bisita Si Tata-hu.

Achokka' dos na simana ha' desde umali'e ham yan i nuebu na guinaiya-ku, sen mahalang yu' nu Guiya. Hu tugiyi gui' este gi i batkon aire ginnen Hapon. Buente atdet i palabras yan "over the top." Lao estague i kustumbren i korason taotao no? I mas i chinago', pat meggai'na i inachago'n-miyu mas atdet siempre i piniti yan i minahalang. Pues achokka' buente noskuantos na mit miyas umafa'sipara ham, i sinientete-ku kalang malingu yu' gi otro na dimension. Lao hu guaiya gui' sinembatgo, ya kumekehomlo' i korason-hu, sa' agupa' para bei in ali'e ta'lo.

Guinaiya Gi I Chi-Na I Tano'

Yanggen hu li’e i matå’-mu un biåhi mas
Manmafunas esta siempre i triste-ku
Este lagu’ ni’ tumutu’u påppa’
Este ha’ ma sasångan
Maloffan hagas esta i chi-hu siha
Lao hinangai-hu ha’ put Hågu
Faboresi yu’ este na dikike’
Un pinacha i labios-mu

I hinangong-hu i korason-hu
Todu i lina’lå’-hu
Bai hu totngiyi hao’ gi i guåfin i guinayå-ta

No comments:

LinkWithin

Related Posts with Thumbnails