Wednesday, January 10, 2007

Adios ta'lo, isla-ku

Agupa’ bai hu hanao ta’lo para San Diego,

Kalang chubasko este na tiempo-ku guini. Bula na malago bei sångan, lao ti siña sa’ ti tunanas i hinasso-ku. Meggai nuebu na hu susedi desde matto yu’ giya Guahan este na biahi. Bula maloloffan guini ni’ muna’bubu yu’, ya muna’triste yu’ lokkue.

Lao bula guini na hu hungok, cho’gue yan li’e ya muna’gaiesperansa yu’.

Ti kumakåte i kerason-hu achokka’ ta fafana’ bula na piligro yan prublema. Put hafa hu susedi gi este na hinanao-hu tåtte para Guahan, hu tungo’ na siña ta afekta yan manea i chalån-ta mo’ña.

Si Yu’us Ma’ase islå-ku, ya todu i bonito na taotao-mu yan lugat-mu siha. Adios esta ki manali’e hit ta’lo.

No comments:

LinkWithin

Related Posts with Thumbnails