San Vitores


Un diha siempre bai hu fannge' lepblo put i historian i taotao-ta. Esta meggai na kadada na tinige'-hu put este, lao i guinife-hu mohon na un diha bai hu puno' i toru yan na'magåhet este gi un kabåles na lepblo. Lao siempre este na lepblo u matuge' gi Fino' Ingles, ya guaha påtte siha matuge' gi Fino' Chamoru lokke'. Esta gof libiånu para Guahu, para bei estoriåyi taotao nu i hestoria-ta gi Fino' Ingles, lao guaha na biahi debi di bei lachandan maisa para bei cho'gue este lokkue' gi Fino' Chamoru. 

Put este na motibu-hu guaha na biahi, mañule' yu' påtten hestoria-ta, ya hu ketuge' put guiya gi Fino' Chamoru. Sesso i inayek-hu put este, ti sen interesånte, gi Fino' Ingles "basic" pat gi Fino' i tatan bihu-hu "mata'pang." 

Put hemplo, a'atan este guini gi sampapa', ni' tinige'-hu put si San Vitores. Ti hu guaiya si San Vitores, ti ya-hu meggai put i hestoria-ña, lao hu tungo' lokkue' na impottånte gui' gi i hestorian i tano'-ta yan taotao-ta. Ti Guahu mismo tumuge' este na estoria. Hu hokka este ginen un bihu, pues guaha gi sinangån-ña buente ti dinanche', lao interesåsante ha' sinembåtgo. Guaha gi tining'-ña chumichilong yan håfa inapreba ni' gima'Yu'os, lao guaha otro påtte buente ginen i fedda' na edda'. 

**************************

Gi manmo’na siha na tiempo giya Guåhan, ti ma tungo’ ni’ taotao ni’ håfafa ha’ put rilihon modetno pat i gima’Yu’us ni' esta ta payuyuni på'go na tiempo. 

Todudu tumungo' put i finatto-ña si Magellan. Lao después di måtto Si Magellan, måtto Si Pale’ San Vitores. i pale’ ginen Espana para u fa’nå’gue i taotao taimanu manaitai yan manminagågu. Gi anai ma aksepta Si Pale’ San Vitores ha eksplikåyi siha ni’ impottante-ña Si Jesus Kristo yan i gima’yu’us, ni' ha kuentusisiyi. 

Meggai umaksepta Si Pale’ lao guaha taiguihi si Mata'pang, un Maga'låhen Tomhom, ni' ti mamfinatåni. Ha siente na Si Pale’ San Vitores ha kekesilibia yan ha keke na’fankristehano i naitbon Guahan ya u na’suha i bihu na satbahen kostumbre. 

 

Un diha pumepeska guihan Si Pale’ San Vitores gi sagua’ Tomhom, ha li’e’ Si Mata’pang i chanså-ña para u cho’gue i aminasu-ña. Ha ågang i ga'chong-ña as Hurao ya sumisiha ma gacha' si Påle' anai kinekehuyong gui' i sengsong. Ha sotta todu i binibu-ña si Mata'pang guihi na momento. Ha tåga’ i pale’, ha utot i ilu-ña yan anai sopbla i tetehnan para u kinilili ni’ ma’te,

 

Kada såkkan ma silelebra ni’ taotao Guåhan i mapuno’-na. Este na silebrasion ma silelebra gi Abrit. Duranten i silibrasion gi todu i lugat, I taotao Guåhan manhånao para i gima’Yu'us para u fanmanå’i grasia put hafa i bidå-ña Si Pale’ San Vitores.

 

Bula Chamoru sumångan na duranten i kompleåños i mapuno’-ña Si San Vitores, manhuyong haga’ gi hanom sagua’ Tomhom para u na’hasso i taotao siha put i fina’na’guen i Kristo. 

Comments

Popular posts from this blog

Chamorro Public Service Post #13: Baby Vocabulary

Chamorro Public Service Post #11: An Gumupu Si Paluma

Angels carrying savage weapons