Wednesday, March 11, 2015

Fino' Taya'

Sen tinanae' yu' gi este na simana put i Inachaigen Fino' CHamoru.

Esta singko anos manayuyuda yu' gi este na dinana', komo hues yan organizer.

Noskuantos anos tatte mannge' yu' column gi Marianas Variety put i hinasso-ku siha gi este na impottante na fina'pos.

Antes di gera i Amerikanu siha ma sangani i Chamorro na ti magahet i lenguahin-miyu, maolekna na en yite'.

Despues di i gera, i meggaina na Chamorro ma kombensan maisa siha na maolekna ma yute' ha' i lenguahin-niha ya ma fa'na'gue i famagu'on-niha Fino' Ingles.

Gi 1970s esta ilek-niniha i linguists na kumekematai i Fino' Chamorro.

Gi pa'go na tiempo meggai na taotao ilek-niniha na esta matai i Fino' Chamorro.

Pues kada Matso, anai mandana' i estudianten Guahan yan i CNMI gi UOG para i Inachaigen Fino' CHamoru, hafa na lenguahi ma u'usa? Fino' Haya' pat Fino' Taya'?

Sina ta sangan na un milagro este na kompetasion, sa' para dos ha'ani gi Matso, gof oppan este na lenguahi ni' meggai kumepuno' yan meggaina sumangan na esta matai.

Lao maskeseha matai pat la'la'la' ha' i Fino' Chamorro, todu dipende gi i usa-na.

Kao para ta na'la'la' mo'na gui'? Pat kao para ta na'matai mo'na?

No comments:

LinkWithin

Related Posts with Thumbnails