Saturday, June 28, 2014

Guma' Baila Siha

Estague i inetnon baila "Taotao Lagu." Siha manggana' i uttimo na Dinanna' Minagof na Silebrasion gi i ma'pos na simana. Gi este na litratu mambabaila siha giya Saipan para i 2014 na Flame Tree Festival. Ma kombida yu' gi i otro simana para bai hu hues para i este na sakkan na Dinanna' Minagof. Hu aksepta i kinembida, ya sen excited yu'! Meggai na dinanna' taiguihi hu hanaogue, lao taya' taiguini komo hues.

Hu gof sapopote i gima' baila siha giya Guahan, maseha Fanlalai'an, Pa'a pat Inetnon Gefpago. Hu tungo' na manmaolek na lugat siha para i ineduka i manhoben. Guaha dos na patgon-hu, ya guaha na biahi manhasso yu' buente maolek para bai hu na'saonao i patgon-hu siha gi unu pat dos na gurupu. Maolek i sinaonao para i tahtaotao, maolek lokkue' para i hinasso.

No comments:

LinkWithin

Related Posts with Thumbnails