Friday, April 13, 2012

Fine'nina na Dinemo'

Esta tumunok Si Santorum.

Hagas tumunok Si Gingrich, lao ti ya-na umadmiti este.

Si Paul siempre i humohongge gui' para u kontinuha humahatsa i babao-na, lao gi minagahet esta mapedde' gui' lokkue'.

Gi i bandan Republican Si Romney i uttimo tumotohgue.

Pues para mo'na esta ki i botasion gi November, este un dos na taotao na inacha'igi.

Esta hagas i batkadan Obama pine'lon-niha na Si Romney para u i gayun Republican. Pues siempre esta manlisto siha para i cho'cho' put taimanu na sina ma tachi gui'.

Egga' este na video ni' hu na'chetton gi este na post.

Kalang dnanche Si Santorum annai ilek-na na Si Romney i mas daffe' na kandidatun Republican ni' sina kumontra Si Obama. I mabuena-na Si Romney na i health care na prugrama na Si Obama ha implemente, ha o'osge i hagas na pine'lon Romney giya Massachussetts annai estaba gubetno gui' guihi.

Esta i taotaon Obama siha manlisto para Si Romney, esta ma trutrukus gui' (gi pulitikat ha'). Annok taimanu na sina ma chanda Si Romney gi este na video.


No comments:

LinkWithin

Related Posts with Thumbnails