Tuesday, March 27, 2012

Huegon Ninalang Siha

In egga' i "Huegon Ninalang Siha" gi i ma'pos na simana.

Ya-hu didide', lao nanalang ha' yu'.

Mas maolek i lepblo kinu i kachido.

Lao kao nina'manman hao ni este?

Siempre ahe', sa' sesso taiguihi.

Komo lepblo fine'nina, fihu i orihinat i mas maolek yan kabales.

I kachido ti nahong, sa' meggai ginnen i lepblo ti un kubre, ti un na'annok.

Para ayu ni' gumaiya i lepblo kalang mantrinaiduti siha ni taimanu na mafa'diferentes i mubi.

Siempre este un tungo' anggen taiguini hao.

Anggen mata'ta'chong hao gi i fanegga'an  ya sesso un essalaoggue i screen taiguini:

"Taigue ayu gi i lepblo!"

"Sa' hafa ti ma na'halom ayu gi i mubi!"

"Ti nahong i tetehnan na tiempo gi i mubi para u makubre ____! Ti hu tungo' hafa sina macho'gue. Ai adai!"

Lao kao pumarehu anggen mofo'na i mubi ya tinatitiyi ni lepblo?

Gi hinallom-hu, dipende.

Kao i lepblo ni' matuge' ginnen i mubi, un magahet yan seriosu na lepblo?

Pat kao matuge' este put salape' ha'?

Guaguaha mas meggai na malago' yu' na bei tuge' put i lepblon "Huegon Ninalang Siha" lao esta chatangmak guini, ya guaha che'cho'-hu agupa'.

No comments:

LinkWithin

Related Posts with Thumbnails