Tuesday, October 30, 2007

Nihi Ta Fan Chat Gi Fino' Chamoru Put Hindi Movies #9

Miget: Ai adai, tinaka’ gof åpmam para ta egga ayu na mubi.

Rashne: Hunggan mas ki tres oras i tiempo-ña.

Miget: Lao, bai hu sangåni hao, gi todu i tiempon ayu na mubi –

Rashne: Hafa?

Miget: Ti hu hulat bumira i inatan-hu.

Rashne: Mana’chetton i atadok-mu siha no?

Miget: Hunggan, gof na’triste, gof na’bibu yan gof na’gaiesperånsa. Todu este siha na sinieñte manmayalaka gi este na tres oras put i lina’la’ este na gof matåtnga na låhi.

Rashne: På’go, put i bidå-ña, guaha ma sångan na mas ki taotao este na taotao. Kulang matata’chong gui’ gi i chi-ña i tinataotao.

Miget: Interesånte.

Rashne: Ya put i gaige-ña guihi guatu na lugat, siña ha li’e todu i prubleman yan i kualidåt i taotao.

Miget: Hu gof hongge enao lokkue. Gi este na mundo, todu ni’ manhihot, ni’ manggaigaige gi me’ñan i mata’-ta siña, fa’babachet. Este ni’ gaige gi halom i hinago’-ta, hinasso-ta na este ha’ todu i mindo. Lao ti ta li’li’e –

Rashne: Ya ti ta espipiha –

Miget: Hunggan, ti ta li’li’e hafa mas, hafa guaha chago ginnen i inatan-ta.

Rashne: I meggaiña na taotao, ti ma li’li’e i liga gi i gima’n iyo-ta society, iyo-ta world. Ma li’li’e’ i litratu siha na manmakakana’ gi i liga, lao manmaya’ i estrukturan i gima’. Taigue gi i inatan-ñiha i liga ni’ gumo’go’te hulo’ i atof i gima.

Miget: Lao ti taiguhi Si Gandhi. Annok ginnen i bidå-ña, ya hafa ha ayuda muna’fanhuyong, na ti ordinat na taotao gui’.

Rashne: Ti hu komprende este. Dipotsi na ta kuentos pat chatñaihon put “Hindi movies,” lao ti mismo kachidon Hindi ayu na Gandhi. Mismo kachidon Western. Ekungok ha’ nai, puru ha’ gi fino’ Ingles.

Miget: Ai, gof fotmat hao na palao’an. Siña ta alok ha’ na Hindi Si Gandhi, pues achokka’ un apå’ka fuma’tinas, Hindi didide’ lokkue’ i kachido put Guiya.
Rashne: Kalang brodie enao.
Miget: Huchom i pachot-mu osino bai hu "nonviolence" hao.

No comments:

LinkWithin

Related Posts with Thumbnails