Nihi Ta Fan Chat gi Fino' Chamoru Put Hindi Movies Part 8

Miget: Hafa Adai Rashne!

Rashne: Hafa adai Miget!

Miget: Maila halom, maila.

Rashne: Si Yu'us Ma'ase. Hafa na kachido para ta egga' pa'go?

Miget: Hekkua', bei aligaoñaihon gi i fanrikohiyan.

Rashne: Kao guaha giya Hågu Dhoom 2?

Miget: Ahe’, ti hu fahån gui’, lao esta hu egga’.

Rashne: Ya hafa hinasso-mu? Kao ya-mu?

Miget: Hunggan, ya-hu sa’ bula stunts, action, ya chalek siha.

Rashne: Kao kinahnåyi hao lokkue nu i mambunita na famalao’an? Kao masakke i rason-mu?

Miget: Ahe’, ahe’. Actually, gi minagahet, ti parehu este na kachido yan i meggaiña na otro na kachidon Hindi.

Rashne: Sa’ hafa?

Miget: Well, mafa’na’an este na klasin kachido “transnational.”

Rashne: Ma agang siha enao put i diferentes na lugat nai ma fifilm?

Miget: Hunggan, giya Dhoom, yan otro na kachido pot hemplo Don (i mina’dos na chinagi) yan Krrsh, ti manmaloloffan i fina’pos giya India ha’. Manhahanao i actors siha gi todu i movie, ya mañasaga’ gi otro na nasion, pat mambisisita.

Rashne: Fihu hu li’e enao lokkue. Kulang gi este na kachido siha, ma kekeprove, siha ni’ fuma’titinas, na esta sumen modern yan gaiadilanto India gi entre i pumalu na nasion gi hilo’ tåno’.

Miget: Hu konfotme ni’ enao. Hu hasso nai mamakcha’i giya Youtube, un kachido fuma’nu’nui Amitabh Bachan yan i “India Poised Campaign.”

Rashne: Mungga mana’hasso yu’ put enao! Ai adai, kalakas! Ti hu hulat kumomprende i fino’ este na ya-ñiha mangglobalization yan i mambulacherun neo-liberalism.

Miget: Hafa ta’lo, ti hu komprende?

Rashne: Gi ayu na commercial, kumekeilek-ñiha na modern hit lokkue, lao debi di ta cho’gue mas, guaguaha ha’ bula na debi di ta yabbao gi i hinasso i nasion-ta ya gi i kuttura yan kustrumbre-ta. Ma sasångan na esta sen metgot na nasion hit yan lokkue na debi di ta dalalaki i tinago’ yan hemplo i manapå’ka na nasion achagigu!

Miget: Ginaddon i islå-ku taiguenao. I meggaiña na Chamorro ma hahasso na tåya’ lina’la’ sin i Amerikånu siha, ya yanggen malago hit mula’la’ mo’ña, debi di ta osge todu ma sångan, yan dalalaki todu este macho’gue.

Rashne: Ai adai, pa’go ha’ humasso yu’ na ti umakuentusi hit put kachidon Bollywood.

Miget: Ai, tåya’ guaha, impottånteña este na kinentos kinu ayu na kachido. Well, buente ti magåhet este, sa' siña mas impottånte para todu i taotao i mundo i kanta, "Crazy Kiya Re."

Comments

Popular posts from this blog

Chamorro Public Service Post #15: Pues Adios, Esta Ki

Guam: The Movie

Tuleti