Wednesday, November 22, 2006

Nihi Ta Fan Chat gi Fino' Chamoru Put Hindi Movies Part 7

Back by popular demand! Puzzling to many, useful to few! My Nihi Ta Fan Chat Gi Fino' Chamoru Put Hindi Movies section is an interesting mix of sheer addiction, silly love and simple decolonization. If you are a Chamorro speaker or someone interested in learning Chamorro, and also love Bollywood movies, let me know a particular movie you would like to have a dialogue about and if I've seen it, then I'll post it on my blog.

Rashne: Hafa Adai Miget!

Miget: Hafa Adai Rashne! Mamaolek ha'?

Rashne: Maolek ha', I guess, lao sen tinane' yu' put eskuela.

Miget: Ai hunggan hu gof komprende enao, lao sigi ha'. Singko pat sais na sakkan tetehnan!

Rashne: Po’lo ha’ enao…Otro fino’-ta, hafa na kachidon Bollywood un e’egga' halacha? Guaha maolek?

Miget: Ai adai, kao este ha' iyo-ta relationship? Umakuentusi put kachidon Bollywood?

Rashne: Lakisao, mungga matutuhun enao na kuentos.

Miget: Despensa yu’ lao kalang machaleleghua’ i siniente-ku pa’go, put i kachido hu egga’ gi painge.

Rashne: Hafa na’ån-ña?

Miget: Lage Raho Munna Bhai.

Rashne: Enao gumuahi hao? Pine’lo-ku na kachidon na’chalek.

Miget: Oh, hunggan, hunggan. Mampo na’chalek, hinasso-ku noskuantos biahi na para u mayamak i ha’of-hu, sa’ sen fotte i chalek-hu siha.

Rashne: Ya put ayu na duru na mayalalaka’ chata’an hao pa’go?

Miget: Ahe’, ai nangga fan, mungga inalulula. Gof gaddon, gof complex este na kachido. Sa’ gi un ratu chumachalek hao kalang kumekematai. Ya gi i sigente ratu tumatanges hao kalang i maguaiyå-mu kumekematai.

Rashne: Taimanu mana’daña este na klasin siniente siha?

Miget: Gof triste este na kachido sa’ ma chule’ halom guihi, i finayin Gandhi para u fa’maolek i prubleman i taotao siha. Pues guaha un lahi, ya ha na’falingu todu i salapen i tatå-ña. Ha agang i bulaku Si Munna Bhai, ya ha faisen gui’, “hafa bei cho’gue,” sa’ siempre hinassosso-ña na para u puno’n maisa gui’.

Rashne: Ya hafa ineppe-ña Si Munna Bhai?

Miget: Ha abisa este na lahi, yan todu i otro ni’ manachachaki, gi i finayin Gandhi.

Rashne: Kalang drama este este, manu na gaige i nina’chalek? Ginnen hafa un sangani yu’ este, ti chumachatge yu’.

Miget: Sa’ taotao India hao, siempre un tungo’ esta didide’ put i filosofia Gandhi?

Rashne: Hunggan, gof ya-hu pot hemplo este na pidasun i finayi-ña, Si Gandhi. “Meggaiña na taotao ma sasångan na Si Yu’us i minagahet, lao gi i lailai-hu siha hu fakcha’i na mas dinanche, mas magahet na i Minagahet Si Yu’us.”

Miget: Tahdong enao na finayi.

Rashne: Lao fihu gråbu pat serious i chine’guen Gandhi, kontra binaba yan biolensia, ti na’chalek.

Miget: Lao gi i kachido, na’chalek sa’ i bilaku, gangster, klasin taotao ni’ ga’mumu, Guiya pumapagat put Gandhi pa’go, Guiya sumusteteni i irensian Båbu.

Rashne: Hu hasso ginnen i fina’nina na kachidon Munnai Bhai, na hunggan gof violent na taotao ayu. Ya gi este, Guiya pumapagat put Gandhi? Hunggan, ginnen hafa hu hungok hafa, likidu yan na’chalek.

Miget: Oh ai, yan gi este na kachido, bulalala’ na lalahi tumatånges. Mas ki kasamiento este, meggai na lågu gi meggai na fasun lalåhi.

Rashne: Machaleleghua’ hao put este? Na mananånges bula’ na lalåhi? Pues enao gof na’chalek.

No comments:

LinkWithin

Related Posts with Thumbnails