Agondumana, pat Dependency Taifinakpo'?
Here is the text from a radio interview I did at KPRG for students in Peter Onedera's Chamoru 102 class. The topic was something I know very little about, but I was a last minute replacement for the students, the reunification of the Marianas Islands. Sorry, to those that can actually read and understand the questions, my MS Word spell check messed up alot of my sentences, by turning Chamorro words into similarly spelled English words.
What does reunification mean?
Mandañata’lo, pat agondumaña kumekeilek-na na I islas Marianas u marikohi gi pappa’ un gobietno yan un politiku. Yanggen maloffan este na kinalamten, u na’magahet I guinefin meggai na Chamorro gi meggai na tiempo siha.
Explain the Government of the Marianas Islands before the separation.
Antes di manhalom I Espanot, manggaige I Chamoru gi todu I isles Marianas, ya achokka’ unu ha I lenguahin-niha yan hinnggen-niha, taya’ kapitat, taya’ sagan I maga’lahi para todu I islas yan todu I sengong. Manmacha’gue I political power I Chamorros gi kada na klan yan kada na singsong.
I sisteman pulitikat gi kada na clan gof interesante na yinalaka democracy, sa’ democracy fina’tinas respetu. Gi kada na familia guaha un maga’lahi yan maga’haga’ ya siha muma’gasi I kosas I familia, I tano’, I sakman, I galaide, I gumuagualo, etc. Guaha che’cho’ maga’lahi yan che’cho maga’haga. Tenga I mas a,ko’ na haga I maga’haga ya I mas amko’ na che’lu-ña I maga’lahi. Lao yanggen I chine’guen este na dos ti maolek, ya ma na’annok na ti kapas siha muma’gasi I familia, sina I pumalu gi I familia uma’go I dos ni’ otro na taotao.
Parehu didide’ I sistema gi kada na songsong. Maseha hayi na familia I mas marespetu, Guiya I mesgaipower, ya I mas la’mon put I kosas i sengsong. Este na respetu ti mana’I ha’. Kada na familia, tumakhilo’ pat tumakpappa’ gi I gua’ot sosiat dipende gi I bidan I taotao gi I familia. Yanggen masasangan na I bidan I familia-mu matatnga yan geftao, siempre tumakhilo’ I respeta I familia-mu manana’i. Yanggen baba hafa masasangan, put hemplo na mangga’chumekle, mangkubatde, pat mañatao, pues mapoddong siempre I respetu-mu.
Guaha na biahi manmumu I sengsong, ya manachanda, lao taya’ na ma’gas taiguihi giya Hawai’I yan Si Kamehameha. Lao ti hu kekesangan na manacha’metgot pat manparehu todu I sengsong siha. Gi I sistema nai i bidan I familia muna’kahulo’ pat muna’tunok I familia gi I sengsong, parehu para I sengsong siha gi I isla. Yanggen I sengsong-mu umikak I iyo-mu rival gi minimu pat gi kinalamten komo, mumari, dumaggao, umacho’ atupat tumakhilo’ iyo-mu power gi entre todu I singsong gaige gi enao na isla. Gof ya-ñiha I Chamorron antes manachanda taiguihi. Bidan matatnga gi minimu mas gaibali, gaibali lokkue I sengsong ni’ gof kalamya nu kumakanta ya umestotoria. Gi ayu na tiempo taya’ tinige’ papet, pues I hinekka’n I estorian I sengsong pat I familia gaige gi I tintanos I mas menhallom, malate’ yan creative na taotao siha.
Achokka’ manakomprende todu I Chamorro siha, gi todu I islas gi ayu na tiempo, ti manhahasso siha na manacha taiguihi. Manhahasso fine’nina na manunu gi halom I familia ya mina’dos gi halom I sengsong.
I Espanot mismo muna’fanunu todu I Chamorro siha, lao ti maolek I intenson-niha.
Nai manmumu yan manggera I Chamorro siha yan I Espanot ma li’e na guaha minetgot yan piligro gi este na china’gue, sa’ mas mappot para u ikak I Chamorro siha nai manmacha’gue gi todu I sengsong yan I islas. Mafa’na’an hafa macho’gue I “recollection,” sa’ ma konne’ todu I Chamorro giya todu I isles, ya ma hokka’ todu giya Guahan. Ti optional este na hinanao, ma fuetsa I Chamorro giya I San lagu na islas. Lao nai matutuhun ha’ ayu na gera, meggai na Chamorro mandaña yan manunu kontra I Espanot. Ma li’e na achokka’ ginnen diferentes na sengsong yan familia, manmaagodde’ todu siha kontra este na taklalu na taotao sanhiyong siha.
Later, gi I diesinuebi na century, nai esta munhayan I yinaoyao I gera, mana’fanhanao tatte didide’ na Chamorros para I San lagu na islas siha. Lao I dano’ esta annok, esta tahdong. sa’ mineggai na Chamorro manmatai put minalangun sanhiyong yan gera, ya kana’ mafunas lokkue I kinapas I Chamorro para u fansakman.
Guaha possibilidad inestoria na yanggen mangganna’ I Chamorro siha ayu na gera, na manunu I islas ya mandana I Chamorro gi pappa’ un gubetnamento Chamorro. Lao sa’ ti bumira I milalak estoria taiguihi, puru ha’ sinesedin colonial desde ayu.
When did Guam and the Northern Marianas seperate?
Fine’nina bai hu sangani hamyo ni’ didide’ na estoria, ya para u na’lakabales i tinigo’n-miyu yan kinempreden-miyu put este na tiempo. Gi I mina’diseinuebi na century, gumof dongkalu I interests cometsiante I mankahilo’ na Amerikanu. Ma li’e I nuebu na Nasion siha giya Latin America, yan I gof dongkalu na Nasion siha giya Asia, ya puru ha’ markets para u maplunder lini’en-niha. Fine’nina ma fuetsa I Chapones para u babayi i Amerikanu siha, ni’ I markets Hapon. Pues ma cho’gue parehu giya I Chino siha. Giya the Philippines parehu hinasson-niha yan minalagon-niha. Manggai to’la I kometsiante siempre nai ma li’e I meggai na tano’ nai sina ma guaddok para minerat ya meggai na taotao lokkue ni’ para u facho’cho’ baratu ya pau fahan lokkue fina’tinas Amerikanu.
Nai matutuhun I Geran Espanot yan Amerikanu esta ma disidi na I PI para u machule’. Lao gi ayu na tiempo taya’ batkon aire, batko ha’. Gof umachago’ I States yan I PI, ya in order to na’chetton este na tano’ siha debi di un chule’ tano’ gi entre siha. Esta machule’ Hawai’i gi 1893, pues esta mataka’ lamita. Guahan I mas dongukalu na isla gi I Marianas yan Micronesia, yan mas dongkalu lokkue iyo-na harbor, pues yanggen ma chule’ Guahan kana’ kabales I chalan ginnen Amerika asta Asia.
Pues gi I geran Espanot yan Amerikanu, matto I opportunidat para u na’funhayan este na chalan. Ma chule’ Guahan gi 1898, ya desde ayu iyo-na colony hit.
Lao sa’ i hinasson yan I minalagon US gi ayu na tiempo ti put tano’ yan resources, lao put strategy, kalang mantaibali I otro na islas siha. Pues gi 1898 I Espanot ma bende I Aleman siha, I tetehnan na islas Micronesia. Ya gi duranten I Fine’nina na Geran Mundo, I Chapones ma chule’ I islas ginnen siha.
Do you think the division of the islands was a good decision?
Gi hinasso-ku I inayek para umafa’sahnge I islas Marianas gof baba. Ha na’gof dano’ I Chamorro siha gi todu I islas. Gi 1898 ma fa’sahnge este na taotao siha ya humuyongña na manenimigu, sa’ manmumu I dos na klasin Chamorro gi duranten I Mina’dos na Geran Mundo. Asta pa’go na ha’ani guaha binibu, minala’et yan chinatli’e gi entre I Chamorro siha giya Guahan yan I sanlagu na islas Marianas. Siña manmagof hit didide’ sa’ pinat mafnas este na minala’et, lao siempre bai hu sangani hamyo gi un otro ineppe-ku, na guaha irensia-ta put este na binibu, ya I irensia na tribiha manadaña I islå-ta siha.
I Chamorro siha manmasapit sa’ I Nasion siha ni’ dumespoponi I tano’n Chamorro siha,
Muna’fanakontraio siha, ya ma tago’ unu para u ana yan na’lamen I otro.
Have there been any recent attempts made to try and reunify the islands?
Despues di I mina’dos na geran I Mundo, ma chagi para umana’fandaña ta’lo I islas siha, lao mappot sa’ put I sinienten I manafanlamen yan I binibu ginnen I gera. Gi fine’nina na botasion para umanafandaña I islas Marianas, I Chamorron I sanlagu na Marians manbota para dinana, manbota hunggan. Ayu na tiempo I sanlagu na islas, ti meggai na adilanto gi ekonomia yan ineskuela ya mansiguru na siempre lumamaolek I estao-niha yanggen mandaña ta’lo I islas siha. Lao I Chamorron Guahan, ti manmaleleffa ni’ che’cho’ I taotao Saipan yan I taotao Luta ni’ manintetpeti para I Chapones ya ha na’fanmakastiga yan mapuno’ I Chamorron Guahan. Put este na siniente ni’ pa’go ti gof atdet lao gi guihi na tiempo sininilo’, manbota I taotao Guahan, ahe’ put agondumaña.
Lao ti bai hu puni na I Chamorron I sanlagu na islas manmasapit lokkue. Achokka’ manmas hihot I Chamorrona Guahan nu I Amerikanu siha nu I Chamorron I sanlagu na islas, madestrosa yan mabomba Guahan yan Saipan. Manmasapet todu I Chamorro. Despue na I Amerikanu ma hatme Saipan ya ma ikak I Chapnoes manggaige guihi, ma ko’lat ya ma pongle todu I Chamorros, sa’ hinasson-niha na siña manloyal nu I Chapones. Pa’go todu i islas manhihot nu I Amerikanu siha, unu colony I pumalu commonwealth, lao ginnen I inentalon I Espanot, I US, yan I Chapones, ti manunu hit.
What type of government do you think these islands will have, if they ever unify?
Siguru yu’ na siempre madalalaki I modelon gobetnon Amerikanu. Lao yanggen mandaña ta’lo I islas I Marianas, taya’ rason para u makopia I Estado Unidos. I dinaña ta’lo siempre ha na’I hit todu opportunidat para ta fa’tinas I gubetno-ta, ko’lo’lo’ña guini giya Guahan. Gof impottante na Hita giya Guahan, ta hasso na I gobietno-ta macho’guiyi (mafa’tinasi), Ti hita muna’fanhuyong. Manmana’I hit ginnen I Kongresun Estado Unidos yan I Maga’lahi guihi, ya siempre ta cho’gue I tinagon-niha ya ta osge I chin-niha. Yanggen maloffan este na dinaña ta’lo, u matto lokkue I opportunidat para ta na’lamaolek I gubietno-ta para I nisisidat I islas Marianas, I Chamorro siha yan ayu siha ni’ umalok este I sagan-niha.
Do you think that both sides will benefit from reunification?
Siempre, teneki guaha minappot yan chinatsaga’ gi fine’nina. Este I dinaña I islas impottante ma u macho’gue fine’nina para umafotma kooperasion ekonomia yan politikat gi todu I Islas Micronesia. Siempre este na dinaña u nina’metgot Micronesia gi todu, ti I Marianas ha’.
What are some of the bad effects of reunification?
Impottante na ta hasso este, sa’ fihu gi sinangan publiko annok na manmaleleffa. Yanggen matulaika I estao-ta pulitikat, ti ma’pos ha’ I US. Ti para u ma dingu hit “overnight.” Ya siña ma dingu hit “overnight.” Sigun I tinagon I UN, siempre guaha tiempon transition, nai ma ayuda hit gi I nuebi na chalan-ta. Yanggen mana’menggua I salape’-ta put este na tinilaika, I obligation-na I US, na para u ayuda hit, esta ki manbalanced I tano’-ta ta’lo. Ilek-niha I chuleguagua siha I US giya I UN na ti colonizer I Estados Unidos. Taya’ iyo-ña colonies hun. Siña I Amerikanu siha ma apreba este yanggen ma ayuda colonies-niha gi este na klasin kinalamten yan inadilanto. Lao debi di ma kopbla siha, sa’ manmeskinu nu Hita I Amerikanu giya Washington yan I militat. Ti ma guahahayi hit para lina’lan maisa, ma guahahayi hit para dependency taifinakpo’.
How will the reunification effect the governments or laws of the islands?
Guaha siha punto ni’ ha nissista edukasion, maestudiayi yan madeskuti. Put hemplo, hafa I hiniyong nu I lai tano’ I Sanlagu na Marianas? Diferentes I lai tano’ guini yan guihi. Giya I Sanlagu na Marianas I siha ni’ mannatibu sina ha’ manduenu ni’ tano’, sina manggaitano’. Taya’ lai taiguihi, guini giya Guahan. Hafa I humuyongña gi este na inevitable yinaoyao? Manu na isla u tulaika I lai-ña? Pat kao todu I dos? Pat kao taya’ u ma tulaika?
What efforts has our government done about the reunification?
Guaha interesante na lepblo ni’ todu I taotao Guahan debi di u ma taitai para u ma komprende iyo-ta estao pulitikat. Este na lepblo na’an-ña “I Sekreto na Estudian Guahan” or “The Secret Guam Study,” Tinige’ Dirk Ballendorf yan Si Howard Willens. Ma tuge’ este ginnen I dokumento siha ni’ ginnen I Department Estado Gi Estados Unidos. Ha diskukuti put gi I 1970’s, annai tiempon President Ford, I estaon Guahan politikat para u mana’lamolek para taiguihi I Commonwealth na estao ni’ I sanlagu na Marianas ha risibi. Lao annai machocho’gue este, mumalingu I papet siha, ya taya’ taotao giya Guahan humungok put este. Ti maloffan este, sa’ cocolony ha’ Guahan.
Impottante na umhasso na gi I 1970’s, I Estados Unidos manchathinsso na u falingu Guahan, pat I taotao Guahan sina manmalgo independence pat ayu I ufandaña yan otro na Nasion giya Asia. Put este siha na rason, na ma hasso para u ma ofresi Guahan ni’ Commonwealth na estao, yan para u masmanhihot yan manafamaolek Guahan yan I Estados Unidos. Lokkue este na estao para u na’I Guahan mas liberty yan nina’sina gi I gubietno-ña.
Pa’go na ha’ani siha giya Guahan, todu tumungo’na I estao CNMI maolekna kinu I estao Guahan, ya yanggen mandana ta’lo I islas Marianas, sina lumamaolek I estao Guahan ya sina taiguhi I iyo-ña I CNMI.
Lao guaha didide’ na problema nu este. Guaha repotte siha ginnen I Kongresu, I US media yan I departimenton Defense na manchathinasso I Estados Unidos put I CHMI ni’ ha disponi iyo-ña immigration yan mampos podet-ña gi I lai siha. Anggen para u mamta I militat gi todu I isla, siempre ti malagu na I CNMI u desponi I immigration sa’ ilek-ña na peligro ayu para I seguridat I Nasion US. Este asunton chathinasso I politiku siha gi I CNMI sa’ esta guaha baba kinentos put I sweatshop guihi, ya esta guaha giya Washington D.C. ma sasangan na para u matulaika I estao CNMI ya rumibabaha iyo-ña “autonomy.”
Para I politiku siha gi CNMI, na’ma’ñao I para umana’fandaña I isla siha, sa’ siempre gui’ opportunidat I Estados Unidos para u tulaika I estao para taiguihi I estoa Guahan. Impottante na un ma hasso na anai ma na’I I CNMI ni’ commonwealth, taya’ bali-na militat fuera di “strategic” yan “potential.” Taya’ bases taiguhi un sodda’ giya Guahan, pues manegotiate este Convenant ni’ i hinasso na I CNMI na este pau chomma’ I CNMI humihot yan otro na Nasion siha. Yanggen un atan I pekkat estoria desde I 1970’s, magahet I hinasson I militat, sa’ gaige i chalan mo’ña para I islas Marianas, Amerika ha’.
Guahan apmam na tiempo di ha fa’chuchu’I para u chule’ I commonwealth na estao, lao taya’ kontrata sa’ hagas ma tungo’ I US na ma nisisita Guahan para I militat, esta esta ma fa’military base kana’ 1/3 gi I islan Guahan. Gi I hinasson I militat yan I federales I I nisisidat I isla-ta taya’ yanggen ma akompara yan I dinifendin I interes I militat. Achokka’ siempre i fina’adilanto I estao-ta maolek para Hita, I estorian I isla-ta esta muna’annok na taya’, taibali i lina’la’-ta yan I nisisidat-ta yanggen umachanda yan I interes-niha.
Have there been any local groups actively pushing for the reunification here on Guam?
Siha ni’ manchochonek para I agondumaña I islas Marianas pinat grassroots activists yan estudiante siha. Achokka’ meggai kumakatga este minalago gi I korason-niha, ya esta ma tungo’ na debi di u macho’gue este, kada ha’ani yan gi I sisteman politiku, mappot ma sangan pat ma deklara este siha na punto. Este mas mappot na patte, hafa taimanu ta fa’kinalamten pulitikat hafa pa’go siniente ha’ pat tinangga’ ha’.
What does reunification mean?
Mandañata’lo, pat agondumaña kumekeilek-na na I islas Marianas u marikohi gi pappa’ un gobietno yan un politiku. Yanggen maloffan este na kinalamten, u na’magahet I guinefin meggai na Chamorro gi meggai na tiempo siha.
Explain the Government of the Marianas Islands before the separation.
Antes di manhalom I Espanot, manggaige I Chamoru gi todu I isles Marianas, ya achokka’ unu ha I lenguahin-niha yan hinnggen-niha, taya’ kapitat, taya’ sagan I maga’lahi para todu I islas yan todu I sengong. Manmacha’gue I political power I Chamorros gi kada na klan yan kada na singsong.
I sisteman pulitikat gi kada na clan gof interesante na yinalaka democracy, sa’ democracy fina’tinas respetu. Gi kada na familia guaha un maga’lahi yan maga’haga’ ya siha muma’gasi I kosas I familia, I tano’, I sakman, I galaide, I gumuagualo, etc. Guaha che’cho’ maga’lahi yan che’cho maga’haga. Tenga I mas a,ko’ na haga I maga’haga ya I mas amko’ na che’lu-ña I maga’lahi. Lao yanggen I chine’guen este na dos ti maolek, ya ma na’annok na ti kapas siha muma’gasi I familia, sina I pumalu gi I familia uma’go I dos ni’ otro na taotao.
Parehu didide’ I sistema gi kada na songsong. Maseha hayi na familia I mas marespetu, Guiya I mesgaipower, ya I mas la’mon put I kosas i sengsong. Este na respetu ti mana’I ha’. Kada na familia, tumakhilo’ pat tumakpappa’ gi I gua’ot sosiat dipende gi I bidan I taotao gi I familia. Yanggen masasangan na I bidan I familia-mu matatnga yan geftao, siempre tumakhilo’ I respeta I familia-mu manana’i. Yanggen baba hafa masasangan, put hemplo na mangga’chumekle, mangkubatde, pat mañatao, pues mapoddong siempre I respetu-mu.
Guaha na biahi manmumu I sengsong, ya manachanda, lao taya’ na ma’gas taiguihi giya Hawai’I yan Si Kamehameha. Lao ti hu kekesangan na manacha’metgot pat manparehu todu I sengsong siha. Gi I sistema nai i bidan I familia muna’kahulo’ pat muna’tunok I familia gi I sengsong, parehu para I sengsong siha gi I isla. Yanggen I sengsong-mu umikak I iyo-mu rival gi minimu pat gi kinalamten komo, mumari, dumaggao, umacho’ atupat tumakhilo’ iyo-mu power gi entre todu I singsong gaige gi enao na isla. Gof ya-ñiha I Chamorron antes manachanda taiguihi. Bidan matatnga gi minimu mas gaibali, gaibali lokkue I sengsong ni’ gof kalamya nu kumakanta ya umestotoria. Gi ayu na tiempo taya’ tinige’ papet, pues I hinekka’n I estorian I sengsong pat I familia gaige gi I tintanos I mas menhallom, malate’ yan creative na taotao siha.
Achokka’ manakomprende todu I Chamorro siha, gi todu I islas gi ayu na tiempo, ti manhahasso siha na manacha taiguihi. Manhahasso fine’nina na manunu gi halom I familia ya mina’dos gi halom I sengsong.
I Espanot mismo muna’fanunu todu I Chamorro siha, lao ti maolek I intenson-niha.
Nai manmumu yan manggera I Chamorro siha yan I Espanot ma li’e na guaha minetgot yan piligro gi este na china’gue, sa’ mas mappot para u ikak I Chamorro siha nai manmacha’gue gi todu I sengsong yan I islas. Mafa’na’an hafa macho’gue I “recollection,” sa’ ma konne’ todu I Chamorro giya todu I isles, ya ma hokka’ todu giya Guahan. Ti optional este na hinanao, ma fuetsa I Chamorro giya I San lagu na islas. Lao nai matutuhun ha’ ayu na gera, meggai na Chamorro mandaña yan manunu kontra I Espanot. Ma li’e na achokka’ ginnen diferentes na sengsong yan familia, manmaagodde’ todu siha kontra este na taklalu na taotao sanhiyong siha.
Later, gi I diesinuebi na century, nai esta munhayan I yinaoyao I gera, mana’fanhanao tatte didide’ na Chamorros para I San lagu na islas siha. Lao I dano’ esta annok, esta tahdong. sa’ mineggai na Chamorro manmatai put minalangun sanhiyong yan gera, ya kana’ mafunas lokkue I kinapas I Chamorro para u fansakman.
Guaha possibilidad inestoria na yanggen mangganna’ I Chamorro siha ayu na gera, na manunu I islas ya mandana I Chamorro gi pappa’ un gubetnamento Chamorro. Lao sa’ ti bumira I milalak estoria taiguihi, puru ha’ sinesedin colonial desde ayu.
When did Guam and the Northern Marianas seperate?
Fine’nina bai hu sangani hamyo ni’ didide’ na estoria, ya para u na’lakabales i tinigo’n-miyu yan kinempreden-miyu put este na tiempo. Gi I mina’diseinuebi na century, gumof dongkalu I interests cometsiante I mankahilo’ na Amerikanu. Ma li’e I nuebu na Nasion siha giya Latin America, yan I gof dongkalu na Nasion siha giya Asia, ya puru ha’ markets para u maplunder lini’en-niha. Fine’nina ma fuetsa I Chapones para u babayi i Amerikanu siha, ni’ I markets Hapon. Pues ma cho’gue parehu giya I Chino siha. Giya the Philippines parehu hinasson-niha yan minalagon-niha. Manggai to’la I kometsiante siempre nai ma li’e I meggai na tano’ nai sina ma guaddok para minerat ya meggai na taotao lokkue ni’ para u facho’cho’ baratu ya pau fahan lokkue fina’tinas Amerikanu.
Nai matutuhun I Geran Espanot yan Amerikanu esta ma disidi na I PI para u machule’. Lao gi ayu na tiempo taya’ batkon aire, batko ha’. Gof umachago’ I States yan I PI, ya in order to na’chetton este na tano’ siha debi di un chule’ tano’ gi entre siha. Esta machule’ Hawai’i gi 1893, pues esta mataka’ lamita. Guahan I mas dongukalu na isla gi I Marianas yan Micronesia, yan mas dongkalu lokkue iyo-na harbor, pues yanggen ma chule’ Guahan kana’ kabales I chalan ginnen Amerika asta Asia.
Pues gi I geran Espanot yan Amerikanu, matto I opportunidat para u na’funhayan este na chalan. Ma chule’ Guahan gi 1898, ya desde ayu iyo-na colony hit.
Lao sa’ i hinasson yan I minalagon US gi ayu na tiempo ti put tano’ yan resources, lao put strategy, kalang mantaibali I otro na islas siha. Pues gi 1898 I Espanot ma bende I Aleman siha, I tetehnan na islas Micronesia. Ya gi duranten I Fine’nina na Geran Mundo, I Chapones ma chule’ I islas ginnen siha.
Do you think the division of the islands was a good decision?
Gi hinasso-ku I inayek para umafa’sahnge I islas Marianas gof baba. Ha na’gof dano’ I Chamorro siha gi todu I islas. Gi 1898 ma fa’sahnge este na taotao siha ya humuyongña na manenimigu, sa’ manmumu I dos na klasin Chamorro gi duranten I Mina’dos na Geran Mundo. Asta pa’go na ha’ani guaha binibu, minala’et yan chinatli’e gi entre I Chamorro siha giya Guahan yan I sanlagu na islas Marianas. Siña manmagof hit didide’ sa’ pinat mafnas este na minala’et, lao siempre bai hu sangani hamyo gi un otro ineppe-ku, na guaha irensia-ta put este na binibu, ya I irensia na tribiha manadaña I islå-ta siha.
I Chamorro siha manmasapit sa’ I Nasion siha ni’ dumespoponi I tano’n Chamorro siha,
Muna’fanakontraio siha, ya ma tago’ unu para u ana yan na’lamen I otro.
Have there been any recent attempts made to try and reunify the islands?
Despues di I mina’dos na geran I Mundo, ma chagi para umana’fandaña ta’lo I islas siha, lao mappot sa’ put I sinienten I manafanlamen yan I binibu ginnen I gera. Gi fine’nina na botasion para umanafandaña I islas Marianas, I Chamorron I sanlagu na Marians manbota para dinana, manbota hunggan. Ayu na tiempo I sanlagu na islas, ti meggai na adilanto gi ekonomia yan ineskuela ya mansiguru na siempre lumamaolek I estao-niha yanggen mandaña ta’lo I islas siha. Lao I Chamorron Guahan, ti manmaleleffa ni’ che’cho’ I taotao Saipan yan I taotao Luta ni’ manintetpeti para I Chapones ya ha na’fanmakastiga yan mapuno’ I Chamorron Guahan. Put este na siniente ni’ pa’go ti gof atdet lao gi guihi na tiempo sininilo’, manbota I taotao Guahan, ahe’ put agondumaña.
Lao ti bai hu puni na I Chamorron I sanlagu na islas manmasapit lokkue. Achokka’ manmas hihot I Chamorrona Guahan nu I Amerikanu siha nu I Chamorron I sanlagu na islas, madestrosa yan mabomba Guahan yan Saipan. Manmasapet todu I Chamorro. Despue na I Amerikanu ma hatme Saipan ya ma ikak I Chapnoes manggaige guihi, ma ko’lat ya ma pongle todu I Chamorros, sa’ hinasson-niha na siña manloyal nu I Chapones. Pa’go todu i islas manhihot nu I Amerikanu siha, unu colony I pumalu commonwealth, lao ginnen I inentalon I Espanot, I US, yan I Chapones, ti manunu hit.
What type of government do you think these islands will have, if they ever unify?
Siguru yu’ na siempre madalalaki I modelon gobetnon Amerikanu. Lao yanggen mandaña ta’lo I islas I Marianas, taya’ rason para u makopia I Estado Unidos. I dinaña ta’lo siempre ha na’I hit todu opportunidat para ta fa’tinas I gubetno-ta, ko’lo’lo’ña guini giya Guahan. Gof impottante na Hita giya Guahan, ta hasso na I gobietno-ta macho’guiyi (mafa’tinasi), Ti hita muna’fanhuyong. Manmana’I hit ginnen I Kongresun Estado Unidos yan I Maga’lahi guihi, ya siempre ta cho’gue I tinagon-niha ya ta osge I chin-niha. Yanggen maloffan este na dinaña ta’lo, u matto lokkue I opportunidat para ta na’lamaolek I gubietno-ta para I nisisidat I islas Marianas, I Chamorro siha yan ayu siha ni’ umalok este I sagan-niha.
Do you think that both sides will benefit from reunification?
Siempre, teneki guaha minappot yan chinatsaga’ gi fine’nina. Este I dinaña I islas impottante ma u macho’gue fine’nina para umafotma kooperasion ekonomia yan politikat gi todu I Islas Micronesia. Siempre este na dinaña u nina’metgot Micronesia gi todu, ti I Marianas ha’.
What are some of the bad effects of reunification?
Impottante na ta hasso este, sa’ fihu gi sinangan publiko annok na manmaleleffa. Yanggen matulaika I estao-ta pulitikat, ti ma’pos ha’ I US. Ti para u ma dingu hit “overnight.” Ya siña ma dingu hit “overnight.” Sigun I tinagon I UN, siempre guaha tiempon transition, nai ma ayuda hit gi I nuebi na chalan-ta. Yanggen mana’menggua I salape’-ta put este na tinilaika, I obligation-na I US, na para u ayuda hit, esta ki manbalanced I tano’-ta ta’lo. Ilek-niha I chuleguagua siha I US giya I UN na ti colonizer I Estados Unidos. Taya’ iyo-ña colonies hun. Siña I Amerikanu siha ma apreba este yanggen ma ayuda colonies-niha gi este na klasin kinalamten yan inadilanto. Lao debi di ma kopbla siha, sa’ manmeskinu nu Hita I Amerikanu giya Washington yan I militat. Ti ma guahahayi hit para lina’lan maisa, ma guahahayi hit para dependency taifinakpo’.
How will the reunification effect the governments or laws of the islands?
Guaha siha punto ni’ ha nissista edukasion, maestudiayi yan madeskuti. Put hemplo, hafa I hiniyong nu I lai tano’ I Sanlagu na Marianas? Diferentes I lai tano’ guini yan guihi. Giya I Sanlagu na Marianas I siha ni’ mannatibu sina ha’ manduenu ni’ tano’, sina manggaitano’. Taya’ lai taiguihi, guini giya Guahan. Hafa I humuyongña gi este na inevitable yinaoyao? Manu na isla u tulaika I lai-ña? Pat kao todu I dos? Pat kao taya’ u ma tulaika?
What efforts has our government done about the reunification?
Guaha interesante na lepblo ni’ todu I taotao Guahan debi di u ma taitai para u ma komprende iyo-ta estao pulitikat. Este na lepblo na’an-ña “I Sekreto na Estudian Guahan” or “The Secret Guam Study,” Tinige’ Dirk Ballendorf yan Si Howard Willens. Ma tuge’ este ginnen I dokumento siha ni’ ginnen I Department Estado Gi Estados Unidos. Ha diskukuti put gi I 1970’s, annai tiempon President Ford, I estaon Guahan politikat para u mana’lamolek para taiguihi I Commonwealth na estao ni’ I sanlagu na Marianas ha risibi. Lao annai machocho’gue este, mumalingu I papet siha, ya taya’ taotao giya Guahan humungok put este. Ti maloffan este, sa’ cocolony ha’ Guahan.
Impottante na umhasso na gi I 1970’s, I Estados Unidos manchathinsso na u falingu Guahan, pat I taotao Guahan sina manmalgo independence pat ayu I ufandaña yan otro na Nasion giya Asia. Put este siha na rason, na ma hasso para u ma ofresi Guahan ni’ Commonwealth na estao, yan para u masmanhihot yan manafamaolek Guahan yan I Estados Unidos. Lokkue este na estao para u na’I Guahan mas liberty yan nina’sina gi I gubietno-ña.
Pa’go na ha’ani siha giya Guahan, todu tumungo’na I estao CNMI maolekna kinu I estao Guahan, ya yanggen mandana ta’lo I islas Marianas, sina lumamaolek I estao Guahan ya sina taiguhi I iyo-ña I CNMI.
Lao guaha didide’ na problema nu este. Guaha repotte siha ginnen I Kongresu, I US media yan I departimenton Defense na manchathinasso I Estados Unidos put I CHMI ni’ ha disponi iyo-ña immigration yan mampos podet-ña gi I lai siha. Anggen para u mamta I militat gi todu I isla, siempre ti malagu na I CNMI u desponi I immigration sa’ ilek-ña na peligro ayu para I seguridat I Nasion US. Este asunton chathinasso I politiku siha gi I CNMI sa’ esta guaha baba kinentos put I sweatshop guihi, ya esta guaha giya Washington D.C. ma sasangan na para u matulaika I estao CNMI ya rumibabaha iyo-ña “autonomy.”
Para I politiku siha gi CNMI, na’ma’ñao I para umana’fandaña I isla siha, sa’ siempre gui’ opportunidat I Estados Unidos para u tulaika I estao para taiguihi I estoa Guahan. Impottante na un ma hasso na anai ma na’I I CNMI ni’ commonwealth, taya’ bali-na militat fuera di “strategic” yan “potential.” Taya’ bases taiguhi un sodda’ giya Guahan, pues manegotiate este Convenant ni’ i hinasso na I CNMI na este pau chomma’ I CNMI humihot yan otro na Nasion siha. Yanggen un atan I pekkat estoria desde I 1970’s, magahet I hinasson I militat, sa’ gaige i chalan mo’ña para I islas Marianas, Amerika ha’.
Guahan apmam na tiempo di ha fa’chuchu’I para u chule’ I commonwealth na estao, lao taya’ kontrata sa’ hagas ma tungo’ I US na ma nisisita Guahan para I militat, esta esta ma fa’military base kana’ 1/3 gi I islan Guahan. Gi I hinasson I militat yan I federales I I nisisidat I isla-ta taya’ yanggen ma akompara yan I dinifendin I interes I militat. Achokka’ siempre i fina’adilanto I estao-ta maolek para Hita, I estorian I isla-ta esta muna’annok na taya’, taibali i lina’la’-ta yan I nisisidat-ta yanggen umachanda yan I interes-niha.
Have there been any local groups actively pushing for the reunification here on Guam?
Siha ni’ manchochonek para I agondumaña I islas Marianas pinat grassroots activists yan estudiante siha. Achokka’ meggai kumakatga este minalago gi I korason-niha, ya esta ma tungo’ na debi di u macho’gue este, kada ha’ani yan gi I sisteman politiku, mappot ma sangan pat ma deklara este siha na punto. Este mas mappot na patte, hafa taimanu ta fa’kinalamten pulitikat hafa pa’go siniente ha’ pat tinangga’ ha’.
Comments