I Puengi Sin Hågu

 


Trumitriste i pilan

Sumåsahi gi sasahnge na inina

 

Manånanges i puti’on

I kandet-ñiha manmilalak påpa’

Mana’abak gi hinanao-ñiha para i tano’

Manenekkon i flores

 Ma tatitiyi papa’ i lipes hinemhom para i puengi

Manu’u’u i petlas-ñiha para i lago’-ñiha

 

Todu i mundo gi oriyå-hu kumeketu

Nina’keketu nu i minanengheng

 

I minanengheng humuyong sa’ chago’go’ i minaipe, taigue i guaifen i guinaiya-ku guini gi este na tåno’

 

Sa’ este i primet na puengi-ku guini sin hågu

Comments

Popular posts from this blog

Chamorro Public Service Post #15: Pues Adios, Esta Ki

Tuleti

Chamoru Love Sayings