Hånom para i Hatdin

 Ai mohon na mås gailugåt yu' yan mås gaifuetsa yu'!

Fihu hiningongok-hu ginen otro taotao put i mineggai hu cho'cho'gue yan mampos tinanane' yu'.

Ya achokka' hu tungo' na guaha minagahet gi håfa ilek-ñiha, gi minagåhet todu tiempo, hu siesiente na ti nanahong i bidadå-hu.

Guaha mås gi este na bånda, gi ayu na bånda, gi este na påtte, put este na prublema, todu tiempo guaha mås siña hu cho'gue.

Un maolek na hemplo put este, este na blog. 

Gi i ma'pos na simåna, sinangåni yu' nu dos na taotao na hagagas ininspired siha nu este na blog.

Ma taitaitai, ma a'atan.

Gof maolek na resource este na blog put i litråtu siha, i commentary, i Fino' Chamoru na tinige'. 

Hu agradesi este na sinangån-ñiha, nina'magof yu', sa' guaha na biahi pine'lolo-ku na esta manmaleffa todu put este na blog. 

Sa' gi minagåhet, mås ki sesso Guahu lokkue' maleleffa yu' put este na blog. 

Put enao na råson, na chini'ut lokkue' nu i tinina put i blog.

Sa' hu tungo' na maolekña na hu attettende este na lugåt mås. 

Taiguihi i flores gi gualo manmalåyu anggen ti manmarega.

Siña este na blog lumamas? pat gumaipotbos? Ti siguro yu' i ladinanche na palåbra.

Tåya' tahdong na hinasso pat magåhet na resource para iyo-ku post på'go.

Este na post, didide' na hånom para i hatdin. 

Hånom rinega para i tinanom tiningo' guini. 




Comments

Popular posts from this blog

Chamorro Public Service Post #15: Pues Adios, Esta Ki

Tuleti

Guam: The Movie