Un Interesånte na Finaisen...


Kao guaha manli'e' hao guali'ek gi tasi yan kumekemåtmos gui'. Ha å'agang hao gi i batko-mu lao tåya' nina'sinå-mu. Manli'e' hao gekpu na kabåyu gi i mapagåhes ya un agångi gui' kao siña ha goggue i mamåtmos na guali'ek. Lao i kabåyu achokka' malåte' gui' ti siña ha komprende i fino'-mu sa' kabåyu gui'. Lao ti un embestiga sa' hafa na siña un komprende i guali'ek lao i kabåyu ti ha hulat kumomprende hao. Un hasso na gaige gi halom i betså-mu un lepblo put taimanu na siña hao mamå'tinas "tilifon para i kabåyu." Anggen siña un få'tinas este siña komprendeyon i kuentos-mu nu i gumugupu na kabåyu. Un tutuhun fumå'titinas i tilifon yan ha ayuda hao i mas mafñot na ga'chong-mu Si Maga'låhi Hurao. An munhåyan hao un oño chaddek i buttones gi i tilifon lao tåya' humuyong. Un atan i santatten i tilifon yan un komprende på'go na taibatteria gui'. Ti siña humånao hao para i tenda sa' siempre esta para u måtmos i gualiek. Lao finattoigue hao nu maolek na suette sa' maloloffan un toninos ya ha cheflåyi hao. Ha sangåni hao na Si Jon Guerrero tumago' gui' guatu sa' "psychic" na peskådot gui' ya ha tungo' kontiempo put i nisisdåt-mu put batteria siha. Ha boyok gi i batko dos batteria ya pues ma'pos. Un sahguan chaddek i batteria ya un oño i buttones. Lumå'la' i tilifon ensigidas ya un ågang i gekpu kabåyu, puede ha' gagaige ha' gi hilo'-mu. Ti manoppoe gui'. Mungaha hao ya un komprende sa' hafa ti mano'oppe. Chinichiku i kabåyu nu båtkonaire. Sen ti hongge'on este ya kumelalango hao ya Si Maga'låhi Hurao ha chålao hao. Un hungok i bos-ña i gualiek ya ilek-ña "rosebud." Ma'pos gui'. Tumånges Si Nanå-mu ni' mata'ta'chong gi fi'on-mu gi i batko. Un toktok gui' yan sangåni gui' na siempre maolek ha' todu, guali'ek ha', yan gi minagahet estrangheru na guali'ek, ti mana'tungo' hamyo. Annai un sångan ennao, Si Nanå-mu ha bira i matå-ña ya kalang ti siña ha fana' hao. Un faisen gui' "Kao ti magåhet i sinangån-hu?" Ti manoppe' Si Nanå-mu. Pues ilek-mu "Kao un kekesångan na ti magåhet i sinangån-hu? Ti estrangheru gui'?" Chumathinasso hao. Un gu'ot i chininan Nanå-mu yan un håla mo'na gui' yan faisen gui' "Håyi gui' Nåna!? Håyi ayu na matmos na guali'ek?" Kumakasao Si Nanå-mu annai ilek-mu "håyi gui'." Un faisen gui' ta'lo, "Sångan ha' Nåna, håyi gui'?!" Ha fana' hao yan ilek-ña, mientras meggai na lago' manu'nuhu påpa' gi fasu-ña, "Si tatå-mu. Ayu na guali'ek Si tatå-mu."

Kao guaha manli'e' hao guali'ek taiguini?



Comments

Post a Comment

Popular posts from this blog

Chamorro Public Service Post #15: Pues Adios, Esta Ki

A lot of people end up visiting this blog because they are searching around the internet for lyrics to Chamorro songs. Over the years I’ve pasted a couple here and there, but haven’t really kept up with it as much as I should. I complain all the time about there not being enough internet presence for the Chamorro language and for Chamorro thoughts and so I feel bad when I inadvertently contribute to that absence. På’go, gaige yu’ gi i gima’ iyo-ku grandfather. Desde i ma’pos’ña na mes, kumakatre gui’. Kana’ hineart attack gui’, ya sumaga’ gui’ gi i espitåt para tres meses. Mana’huyong gi i ma’pos na mes, ya sumåsaga’ gui’ gi i gima’, lao ti ha hulat tumohgue sin ayuda. Kada na puengge måtto yu’ gi i gima’-ña para i tetno-hu pumulan gui’. Gi este na tiempo, tåya’ internet, pues siña hu usa este para bai hu fanhasso. Manhasso yu’ put i lina’la’-hu pat i guinife-hu. Buente i chinathinasso-ku siha lokkue’. Tonight, I was trying to figure out what would be the best song to share the lyrics
Read more

Tuleti

Image
I was racking my brain recently to determine what was the first ever Chamorro song that was featured in a motion picture. Noon Sunday was the first every motion picture to be filmed primarily on Guam, prior to that some minor filming had been done on Guam for World War II and Godzilla films but nothing substantial. Noon Sunday was not set in Guam, but it was the first film to feature extensively the island of Guam. Guam was the locale for a fictional Pacific island that was being taken over by a menacing Asian power. Almost all the speaking roles went to people from off-island (from the US or the Philippines), and Chamorros ended up playing most of the "extra" roles. As a result the film didn't feature any Chamorro music. You do find documentaries and television programs, all locally produced that feature Chamorro songs of at least Chamorros singing songs. Guam's History Through Songs, made by the late Carmen Santos is a perfect example of this. For those of you u
Read more

Guam: The Movie

Image
During the pandemic lockdown on Guam, I was feeling at various points, like so many, stressed and anxious about the world and what was happening and what might happen. I was fortunate to still have a job during the lockdown, and because of technology like zoom and social media, I could still keep up my community work, by teaching classes in the Chamoru language and also history. I also was able to keep up with Fanachu! the podcast for Independent Guåhan. Because of so many people sheltering at home, our audience grew exponentially. One thing that I found myself doing more, like most people with a certain level of privilege and comfort, was watching more things online, on laptops and on my phones. Movie theaters were closed, but Netflix and Youtube were always open, so long as I had data on my phone and wifi in the home. As most people were locked down, sheltering in place, only encouraged to go out and explore for essential tasks or errands, things in general started to shift to becomi
Read more