I Gualo-mu ni Gefpågo

Kada diha mamomokkat yu’ gi este na tåno’

Nina’homhom ni’ malamaña na halomtåno’

Bula trongko guini, lao labula triniste
Labula chinatpågo, labula pinadesi

 

Sesso sinekkai yu’ ni todu este

Kulang råmas, kalaktos kånnai

Ginen i mantaklalu na trongko siha

 

Tåya’ deskånsa, tåya’ fanliheng’an

 

Lao kada diha anai tumunok ta’lo i atdao

Ya mahuchom i ha’åni

Linemlem yu’ ni oriyå-hu

Sa’ kada nai i tai’ase na somnak

Ha dingu i tano’

Ha na’lå’la’la’ lokkue’ i flores gi hatdin-mu

 

Ya ginen i hinemhom na halomtåno’

Hu tattitiyi ayu

Esta ki humuyong yu’

Gi halom i hatdin-mu

Bula flores

Mannina’dokko’ nu i puti’on siha gi hilo’-hu

 

Ya guihi lokkue’ guaha såddok

Ya i hanom-ña kulang bino

Ya kada hu galamok, nina’malulok yu’

Ya nina’maigo’ yu’ lokkue’

Gi mañaña yan maipeñaihon na chå’guan




Comments

Popular posts from this blog

Chamorro Public Service Post #15: Pues Adios, Esta Ki

Tuleti

Guam: The Movie