I Sengsong I Taotao-ta Siha
Hagagas i sengsong-ta siha, gof prisisisisu para u ditetmina, para u sinangåni håyi hit. Gi tiempon i manmofo’na na taotao-ta, i sengsong gumo'go'te i hale' i familia yan parientes siha ya mina'gåsi nu i Maga'låhi yan Maga'håga'. Tåya’ rai yan rainai guihi na tiempo. Tåya’ emperådot para todu i taotao-ta. Kada songsong taiguihi un guafak, tinifok todu i familia siha. Guaha na biahi inachaki entre i sengsong siha put asunton tåno' pat yanggen guaha inale' palao'an. Lao ta tungo’ na achokka’ chaddek manmamu, chaddek lokkue’ manasi’i. Gi duranten i Geran CHamoru yan Españot, guaha na songsong siha mandanña' para u ma mumuyi i Españot. Gi 1670s Si Maga'låhi Agualin tumachu para u mumu kontra i Españot, på'go i pumalu taiguihi as Maga'lahi Don Antonio Ayihi tumachuyi i Españot. Gi duranten i mafa'na'an "Reduccion" manafuetsas i taotao-ta gi todu i Isla siha para u fanm...